Narendra Modi Elected As Leader Of NDA : भारतीय जनता पार्टीच्या नेतृत्वातील एनडीए आघाडीच्या घटकपक्षांची बैठक आज (दि. 7 जून) संसदेच्या ऐतिहासिक सेंट्रल हॉलमध्ये होत आहे. एनडीएचे सर्व घटकपक्षांचे प्रमुख या बैठकीला उपस्थित आहेत. या बैठकीत नरेंद्र मोदी यांची भाजपाच्या संसदीय दल नेते पदी, तसेच एनडीए आघाडीच्या नेतेपदी एकमुखाने निवड करण्यात आली. एनडीएच्या सर्व घटकपक्षांनी या प्रस्तावाला पाठींबा दर्शवला. त्यामुळे नरेंद्र मोदी यांचा आता सत्ता स्थापन करण्याचा आणि तिसऱ्यांदा पंतप्रधान बनण्याचा मार्ग आता मोकळा झाला आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
भाजपाचे नेते राजनाथ सिंह यांनी नरेंद्र मोदी यांची नेतेपदी निवड करण्याचा प्रस्ताव मांडला. त्यांच्या या प्रस्तावाला अमित शाह आणि नितीन गडकरी यांनी अनुमोदन दिले. त्यानंतर एनडीएच्या एक एक घटकपक्षांच्या प्रमुखांनी प्रस्तावाला आपले समर्थन दिले. लोकसभा निवडणूकीत भाजपाला 240 तर एकूण एनडीए आघाडीला 293 जागा मिळाल्या आहेत. देशात सत्ता स्थापन करण्यासाठी बहुमताचा आकडा 272 इतका आहे. एनडीएच्या नेतेपदी निवड झाल्यामुळे आता नरेंद्र मोदी यांचा सत्ता स्थापन करण्याचा मार्ग मोकळा झाला आहे.
प्राप्त माहितीनुसार, नरेंद्र मोदी आजच राष्ट्रपती द्रौपती मूर्मू यांची भेट घेऊन त्यांच्याकडे सत्ता स्थापनेचा दावा करणार आहेत. तर, येत्या 9 जून रोजी भव्य समारंभात नरेंद्र मोदी यांचा पंतप्रधानपदाचा सोहळा पूर्ण होईल, असे समजत आहे. ( NDA Meeting 2024 Live Narendra Modi elected as Leader of NDA And Lok Sabha And BJP )
मोदींनी केले संविधानाला नमन –
दरम्यान दुपारी बाराच्या सुमारास नरेंद्र मोदी यांचे सेंट्रल हॉलमध्ये आगमन झाले. यावेळी भाजपाचे अध्यक्ष जे पी नड्डा यांनी त्यांचे स्वागत केले. मोदींच्या एन्ट्रीवेळी सेंट्रल हॉलमध्ये टाळ्यांचा कडकडाट झाला, तसेच ‘स्वागत है भाई स्वागत है’ अशा घोषणांनी सभागृह दणाणून गेलं. सेंट्रल हॉलमध्ये प्रवेश केल्यानंतर नरेंद्र मोदी यांनी सर्वात आधी संविधानाच्या प्रतीला वंदन केले. संविधानाच्या प्रतीवर डोकं टेकवून मोदींनी वंदन केले.
अधिक वाचा –
– पावसाळा सुरु होतोय ! नागरिकांनो आपले घर आणि परिसर ठेवा स्वच्छ; हिवताप – डेंग्यू सारख्या आजारांपासून करा बचाव
– मुंबईत राष्ट्रवादीच्या आमदारांची बैठक ! आमदार सुनिल आण्णांसह 5 जणांची दांडी, चर्चांना उधाण, अजितदादा म्हणाले…
– संजोग वाघेरे यांच्या पराभवाची प्रमुख 5 कारणे, नक्की वाचा । Maval Lok Sabha 2024