Dainik Maval News : जमिनीची मोजणी करण्यासाठी आलेल्या भूमी अभिलेख विभागाच्या अधिकाऱ्यांना चौघांनी मारहाण केली. ही घटना 10 ऑक्टोबर रोजी सायंकाळी साडेपाचच्या सुमारास मावळ तालुक्यातील गोडुंब्रे गावात घडली.
भूकरमापक रोहितकुमार रामकृष्ण जाधव (वय 39) यांनी या प्रकरणी शिरगाव पोलिस ठाण्यात फिर्याद दिली. त्यानुसार पोलिसांनी गिरीश आगळे, राजाराम बाळासाहेब आगळे, मिलिंद आगळे, आकाश आगळे (सर्व रा. गोडुंब्रे, ता. मावळ) यांच्या विरोधात पोलिसांनी गुन्हा दाखल केला आहे.
गोडुंब्रे गावातील रहिवासी योगेश बाळासाहेब ढमाले यांनी वडगाव मावळ भूमी अभिलेख कार्यालयात त्यांच्या जमिनीची मोजणी करण्यासाठी अर्ज केला होता. त्यावरून भूमी अभिलेख विभागाचे अधिकारी 10 ऑक्टोबर रोजी सायंकाळी मोजणी करण्यासाठी गेले. त्यावेळी संशयितांनी त्यांना मोजणी करू न देता त्यांच्याशी वाद घातला. भूकरमापक रोहितकुमार यांना संशयितांनी मारहाण केल्याचे फिर्यादीत नमूद आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– महाराष्ट्रातील विधानसभा निवडणूकीची ही माहिती प्रत्येक मतदाराला असलीच पाहिजे, नक्की वाचा । Maharashtra Vidhan Sabha Election
– तळेगाव येथील होम मिनिस्टर स्पर्धेत गौरी दरेकर ठरल्या महाविजेत्या ; सत्तर वयापर्यंतच्या महिलांनी घेतला सहभाग । Talegaon Dabhade
– वडेश्वर शाळेतील आदर्श शिक्षिका वनिता राजपूत यांचा खास सन्मान । Vadgaon Maval
