अज्ञात वाहनाने धडक दिल्याने दुचाकीवरून जात असलेल्या पोलिस हवालदाराचा गंभीररित्या जखमी होऊन मृत्यू झाल्याची दुर्दैवी घटना देहूरोड जवळ घडली आहे. सदर अपघातात पोलिस हवालदार सचिन शंकर नरुटे (वय 38, स. रा. वाकड, मु. रा. सांगली) यांचा मृत्यू झाला आहे. सोमवार, दिनांक 15 एप्रिल रोजी रात्री साडेदहाच्या सुमारास मुंबई-बेंगलोर महामार्गावर रावेत येथे हा अपघात घडला. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अपघातानंतर धडक देणाऱ्या वाहनचालकाने वाहनासोबत पळ काढला. सचिन नरुटे हे देहूरोड पोलिस ठाण्यात कार्यरत होते. पोलिसांनी दिलेल्या माहितीनुसार, देहूरोड पोलिस ठाण्यात कर्तव्यावर असलेले सचिन नरुटे हे देहूरोड पोलिस ठाण्याच्या दिशेने जात होते. तेव्हा अज्ञात वाहन चालकाने त्यांना रावेत हद्दीत धडक दिली. अपघातात सचिन नरूटे हे गंभीररित्या जखमी झाले. घटनेची माहिती मिळताच देहूरोड पोलिसांनी घटनास्थळी धाव घेतली. तसेच त्यांना उपचारासाठी नेण्यात आले, परंतू त्यांचा दुर्दैवी मृत्यू झाला.
रावेत पोलिस ठाण्यात याप्रकरणी अज्ञात वाहन चालक आरोपी विरोधात गुन्हा दाखल करण्यात आला आहे. नरुटे यांच्या मागे पत्नी आणि दोन लहान मुली आहेत. या घटनेने पोलिस ठाण्यातील नरूटे यांच्या सहकाऱ्यांवर दुःखाचा डोंगर कोसळला आहे.
अधिक वाचा –
– संयुक्त पत्रकार परिषदेनंतर मावळ विधानसभेत आज महायुतीचा मेळावा; पदाधिकारी-कार्यकर्त्यांना समजणार प्रचाराची दिशा
– मोठी बातमी! महापारेषणची टॉवर लाईनची वीजवाहिनी तुटली, 45 गावांतील सुमारे 65 हजार ग्राहकांचा वीजपुरवठा खंडित । Pune News
– कार्ला गडावर आई एकविरा देवीचा पारंपारिक पालखी मिरवणूक सोहळा उत्साहात संपन्न । Karla Ekvira Devi Yatra
