Dainik Maval News : देहू नगरपंचायतीच्या रिक्त असलेल्या उपनगराध्यक्ष पदावर प्रियंका मोरे यांची बिनविरोध निवड झाली आहे. रिक्त पदासाठी शुक्रवारी निवड प्रक्रिया राबविण्यात आली. यावेळी प्रियंका मोरे यांचा एकमेव अर्ज आल्याने त्यांची बिनविरोध निवड झाल्याचे जाहीर करण्यात आले.
निवडणूक निर्णय अधिकारी म्हणून उपजिल्हाधिकारी डॉ. यशवंत माने यांनी काम पाहिले. तर, सहाय्यक अधिकारी म्हणून नगरपंचायतीचे प्रभारी मुख्याधिकारी डॉ प्रवीण निकम यांनी निवडणूक प्रक्रियेचे कामकाज पाहिले. याप्रसंगी नगराध्यक्षा, नगरसेवक-नगरसेविका उपस्थित होते.
शुक्रवारी सकाळी दहा वाजता देहू नगरपंचायतीच्या सभागृहात उपनगराध्यक्षपदासाठी निवड प्रक्रिया सुरू करण्यात आली. यावेळी प्रियंका मोरे यांनी नामनिर्देशन अर्ज सादर केला होता. त्यानंतर निवडणूक प्रक्रियेतील अर्ज स्वीकारणे, छाननी करणे, माघार घेणे आदी प्रक्रिया पूर्ण झाल्यानंतर एकमेव अर्ज आल्याने मोरे यांची उपनगराध्यक्ष पदी बिनविरोध निवड जाहीर झाली.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– पक्के ड्रायव्हिंग लायसन्स पाहिजे? आरटीओकडून जून महिन्याचे वेळापत्रक जाहीर, पाहा आवश्यक कागदपत्रे
– जिल्हाधिकाऱ्यांकडून मावळच्या सर्वांगीण विकासाला गती ; आमदार सुनील शेळके यांच्या पुढाकाराने महत्त्वपूर्ण बैठक
– पावसाळ्यात होणारे अपघात टाळण्यासाठी जुन्या पुणे-मुंबई महामार्गावरील 15 ‘ब्लॅक स्पॉट’ची दुरुस्ती । Pune Mumbai Highway
