मावळ तालुक्यातील महागांव ग्रुप ग्रामपंचायत च्या उपसरपंच पदी राणी संदिप साबळे यांची बिनविरोध निवड करण्यात आली आहे. मावळते उपसरपंच योगिता सावंत यांनी ठरल्याप्रमाणे आपल्या पदाचा राजीनामा दिला होता. त्यामुळे रिक्त झालेल्या पदासाठी मंगळवारी (दिनांक 23 एप्रिल 2024) निवड प्रक्रिया राबवण्यात आली. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
सरपंच गोरख डोंगरे यांच्या अध्यक्षतेखाली यासाठी विशेष सर्वसाधारण सभा घेण्यात आली होती. यावेळी राणी साबळे यांचा उपसरपंच पदासाठी एकमेव अर्ज आल्याने सभाध्यक्ष सरपंच डोंगरे यांनी साबळे यांची बिनविरोध निवड झाल्याचे जाहीर केले. यावेळी सरपंच गोरख डोंगरे, सदस्य संतोष घारे, यमुना मरगळे, योगिता सावंत, स्वाती बहिरट, उर्मिला पडवळ यांच्या सह गावातील ग्रामस्थ मोठ्या प्रमाणावर उपस्थित होते. ( Rani Sable Elected Deputy Sarpanch Of Mahagaon Group Gram Panchayat Maval )
सदर सभेला ग्रामपंचायतीचे दोन सदस्य अनुपस्थित होते. तसेच सचिव म्हणून ग्रामसेवक एल.एस. साळवे यांनी काम पाहिले आहे. निवडीनंतर गुलालाची उधळण करत पेढे भरवून आंनदोत्सव साजरा करण्यात आला. तसेच उपसरपंच राणी साबळे यांचा सन्मान करून त्यांना पुढील वाटचालीसाठी शुभेच्छा देण्यात आल्या.
अधिक वाचा –
– मावळ लोकसभा निवडणूकीसाठी खर्च निरीक्षक म्हणून सुधांशू राय यांची नियुक्ती । Maval Lok Sabha
– मावळ लोकसभेसाठी उमेदवारी अर्ज दाखल करण्याचा आज शेवटचा दिवस; आतापर्यंत 18 उमेदवारांकडून नामनिर्देशन अर्ज दाखल
– ना कुठली चर्चा, ना कोणता गाजावाजा ! मावळ लोकसभेसाठी ‘वंचित’च्या उमेदवार माधवी जोशी यांनी शांततेत भरला उमेदवारी अर्ज। Maval Lok Sabha