मराठा आरक्षणाचे ( Maratha Reservation ) नेते मनोज जरांगे पाटील ( Manoj Jarange Patil ) यांनी अंतरवाली सराटी (जि. जालना) येथील त्यांच्या उपोषणस्थळावरून राज्यभरातील मराठा बांधवांना आज (शनिवार, दि. 24) गावागावात रास्ता रोको आंदोलन ( Maratha Samaj Rasta Roko Andolan ) करण्याचे आवाहन केले होते. जरांगे यांच्या या आवाहनाला सकल मराठा समाज मावळ तालुका ( Maval Taluka ) यांच्याकडून चांगला प्रतिसाद मिळाला. सकल मराठा समाजाने शनिवारी (दि. 24) जुना मुंबई – पुणे महामार्ग ( Old Mumbai Pune Highway ) काही काळ रोखून धरला, त्यामुळे मोठी वाहतूक कोंडी झाली होती. ( मावळ, पिंपरी-चिंचवड, पुणे परिसरातील ताज्या अपडेट्ससाठी दैनिक मावळचा व्हॉट्सअ‍ॅप चॅनेल जॉईन करा )
मनोज जरांगे पाटील यांनी, सरकारने मराठा समाजाच्या ‘सगेसोयऱ्यांना आरक्षण’ याबाबत काढलेल्या अध्यादेशच्या नोटीफिकेशनचा कायदा पारित करुन त्याची अंमलबजावणी करावी, यासाठी अंतरवाली सराटी येथे उपोषण सुरु केले आहे. दरम्यान सरकारला मराठा समाजाच्या ताकदीचा पुन्हा दाखला देण्यासाठी जरांगे यांनीच मराठा समाजाला आज राज्यभर आंदोलन करण्याचे आवाहन केले होते. त्यानुसार सकल मराठा समाज मावळ यांकडून कार्ला फाट्यावर मुंबई-पुणे जुन्या महामार्गावर सकाळी 11 वाजता रस्ता रोका आंदोलन करण्यात आले. ( Rasta Roko Andolan on Old Mumbai Pune Highway at Karla Phata by Sakal Maratha Samaj Maval Taluka )
- कार्ला फाटा येथील या रास्ता रोको आंदोलनात मोठ्या संख्येने मराठा आंदोलक सहभागी झाले होते. तसेच आंदोलकांनी काहीकाळ रस्त्यावर ठिय्या मांडल्याने महामार्गावर चार ते पाच किलोमीटर पर्यंत वाहनांच्या लांबच लांब रांगा लागल्या होत्या. लोणावळा उपविभागीय पोलिस अधिकारी सत्यसाई कार्तिक आणि लोणावळा ग्रामीण पोलिस स्टेशनचे पोलिस निरिक्षक किशोर धुमाळ यांंच्या मार्गदर्शनाखाली आंदोलनावेळी कुठल्याही अनुचित घटना घडू नये, यासाठी मोठा पोलिस बंदोबस्त ठेवण्यात आला होता.
मराठा समाजाला शिक्षण व नोकरी मध्ये 10 टक्के आरक्षणाचा कायदा महाराष्ट्र शासनाने विशेष अधिवेशनात केला असला तरीही सकल मराठा समाजाची मूळ मागणी असलेल्या सगे सोयरे यांना कुणबी प्रमाणपत्र देण्याचा कायदा मंजूर करत मराठा समाजाला मुख्यमंत्री एकनाथ शिंदे यांनी दिलेला शब्द पाळावा, या मागणीसाठी लोणावळा शहर व ग्रामीण भागातील सकल मराठा समाजाच्या वतीने कार्ला फाटा येथे हे रास्ता रोको आंदोलन करण्यात आले.
अधिक वाचा –
– लोणावळा येथील शिवदुर्ग मित्र संस्थेला ‘दुर्ग रत्न’ पुरस्कार, सामाजिक कार्यातील उल्लेखनीय अन् आदर्शवत कार्यासाठी शिवदुर्गचा गौरव । Lonavala News
– अत्यंत महत्वाचे! पुणे-सोलापूर, पुणे- सातारा, पुणे- नाशिक राष्ट्रीय महामार्ग हद्दीतील अनधिकृत व्यवसाय काढून घेण्याचे आवाहन
– पुणे जिल्ह्यातील जलरथाला हिरवा झेंडा; विविध योजनांची माहिती देण्यासाठी 13 तालुक्यातील 1 हजार 843 गावांतून फिरणार चित्ररथ
