Dainik Maval News : भारतीय जनता पार्टीचे निष्ठावंत कार्यकर्ते तसेच वडगाव शहर आणि परिसरात विविध सामाजिक संघटना, संस्था यांच्यासोबत जोडून समाजकार्यात अग्रेसर राहणारे, तसेच एक यशस्वी युवा उद्योजक म्हणून लौकिक असलेले संदीप भास्करराव म्हाळसकर यांचे नाव भारतीय जनता पार्टीकडून स्वीकृत नगरसेवक पदाच्या यादीत अग्रस्थानी असल्याचे समजत आहे.
वडगाव नगरपंचायत सार्वत्रिक निवडणूक २०२५ करिता २ डिसेंबर रोजी मतदान झाले, तर २१ डिसेंबर रोजी निकाल जाहीर झाला. या निकालात भारतीय जनता पार्टी जनता पार्टी पक्षाच्या एकूण पक्षचिन्हावर सहा जागा निवडून आल्या. तर एक अपक्ष नगरसेविका देखील भाजपाच्या सोबत राहिल्याने भाजपाचे पक्षीय बलाबल सात इतके आहे. अशात वडगाव नगरपंचायतीत नियुक्त करायच्या एकूण दोन स्वीकृत नगरसेवक पदापैकी भाजपाच्या कोट्यात एक जागा आहे, तर राष्ट्रवादी काँग्रेस पक्षाच्या कोट्यात दहा नगरसेवकांचे बल असून देखील एकच जागा आहे.
भाजपाकडून स्वीकृत नगरसेवक पदासाठी अनेकांची नावे चर्चेत आहेत. तसेच निवडणूक काळात काही इच्छुक उमेदवारांना स्वीकृतचा शब्द दिल्याचे चर्चेत आहे. परंतु या सगळ्यात पहिल्या टप्प्यात स्वीकृत नगरसेवक म्हणून भाजपाचे वडगाव नगरपंचायतीचे निवडणूक प्रभारी राहिलेले भास्करराव म्हाळसकर यांचे पूत्र संदीप भास्करराव म्हाळसकर यांचे नाव आघाडीवर असल्याचे समजत आहे.
वडगाव नगरपंचायतीच्या पार पडलेल्या दोन्ही सार्वत्रिक निवडणुकीत संदीप म्हाळसकर यांनी नगराध्यक्ष आणि नगरसेवक पदाच्या उमेदवारांसोबत राहून त्यांच्यासाठी दिवसरात्र काम केले. तसेच, अन्य काळातही पक्षीय कार्यक्रम आणि जनसेवेत ते अग्रेसर असतात. निवडणुकीतील कार्यालयीन कामकाज, सर्व प्रभागांचे नियोजन, संपर्कात राहून सर्व कामांमध्ये कोणतीही वैयक्तिक अभिलाषा न ठेवता सातत्याने अग्रेसर राहिलेला कार्यकर्ता अशी संदीप म्हाळसकर यांची ओळख आहे. शिवजयंती महोत्सव, मावळ विचार मंच यांद्वारे ते समाजकार्यात कार्यरत असतात. अशावेळी त्यांच्या नावावर स्वीकृत करीता भाजपाकडून शिक्कामोर्तब केले जाणार, असल्याचे बोलले जात आहे.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा –
– वडगाव नगरपंचायतीच्या पाणीपुरवठा समिती सभापतीपदी सुनील ढोरे ; आमदार सुनील शेळके यांच्याकडून घोषणा
– काँग्रेसचे ज्येष्ठ नेते सुरेश कलमाडी यांचे निधन ; भारतीय हवाई दलात पायलट ते केंद्रीय मंत्री, अशी होती कलमाडी यांची कारकीर्द
– श्रीक्षेत्र भंडारा डोंगर येथे २३ जानेवारीपासून भव्य गाथा व ज्ञानेश्वरी पारायण आणि कीर्तन महोत्सवाचे आयोजन ; कार्यक्रमाची जोरदार तयारी
