Dainik Maval News : तळेगाव दाभाडे नगरपरिषदेच्या सफाई कर्मचाऱ्यांना धनुर्वात लस देण्यात आली. नगर परिषद आणि रोटरी क्लब ऑफ तळेगाव दाभाडे यांच्या संयुक्त विद्यमाने हा उपक्रम राबविण्यात आला. पालिकेच्या 200 स्वच्छता कर्मचाऱ्यांचे लसीकरण करण्यात आले. शहराचे आरोग्य चांगले राखण्यासाठी काम करणाऱ्या स्वच्छता कर्मचाऱ्यांचे आरोग्य चांगले राहण्यासाठी यासाठी हा उपक्रम हाती घेतल्याचे यावेळी सांगण्यात आले.
तळेगाव दाभाडे नगरपरिषद अंतर्गत स्वच्छ भारत अभियान अंतर्गत “स्वच्छता ही सेवा” उपक्रम राबविण्याचे निर्देश देण्यात आले होते. सदर आदेशांचे पालन करणे हेतूने मंगळवारी (दि. 24) विशेष सफाई मित्रांकारिता मोफत धनुर्वात लस कार्यक्रम आयोजित करण्यात आला. या उपक्रमामध्ये जवळपास 200 स्वच्छता कर्मचाऱ्यांनी भाग घेतला आणि त्यांनी या महत्त्वाच्या लसीकरणाचा लाभ घेतला.
मुख्याधिकारी विजयकुमार सरनाईक यांच्या मार्गदर्शनाखाली सदर कार्यक्रमाचे आयोजन करण्यात आले होते. त्यांनी या उपक्रमाचे महत्त्व स्पष्ट केले आणि स्वच्छता कर्मचाऱ्यांचे आरोग्य व सुरक्षिततेवर लक्ष केंद्रित करण्याची आवश्यकता व्यक्त केली. डॉ. नेहा कुलकर्णी यांनी सांगितले की, “स्वच्छता कर्मचाऱ्यांच्या कामामुळे समाजाचे आरोग्य व वातावरण स्वच्छ राहते. त्यांची काळजी घेणे आपली जबाबदारी आहे.”
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– मुकाई चौक किवळे येथील वाहतूक कोंडी सोडविण्यासाठी एकेरी वाहतूक सुरू करा ; भाजपा युवा मोर्चाचे निवेदन
– मावळ विधानसभेत एक लाखाहून अधिक ‘लाडक्या बहिणी’, आमदार सुनिल शेळकेंकडून योजनेचा आढावा । Mazi Ladki Bahin Yojana
– पिंपरी-चिंचवड युनिव्हर्सिटीच्या फार्मसी विभागाकडून ‘जागतिक फार्मासिस्ट दिन’ उत्साहात साजरा ; कामशेत येथे पथनाट्य सादरीकरण