पिंपरी – चिंचवड शहर फुल मार्केट असोसिएशन च्या अध्यक्षपदी संजीवकुमार बोडके यांची निवड करण्यात आली आहे. मावळते अध्यक्ष नितिन रासकर यांनी अध्यक्षपदाचा ठरवलेला कार्यकाळ पूर्ण झाल्याने राजीनामा दिला होता. त्यामुळे रिक्त पदावर संजीवकुमार शांताराम बोडके यांची नियुक्ती करण्यात आली आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
पिंपरी – चिंचवड, मावळ, चाकण पट्ट्यात फुलशेती करणारे हजारो शेतकरी आहेत. या शेतकऱ्यांना पिंपरी-चिंचवड येथील फुल मार्केट हे हक्काचे व्यासपीठ आहे. अलीकडेच सुरु करण्यात आलेल्या या फुल मार्केटच्या माध्यमातून हजारो गोरगरीब शेतकरी आपले कुटुंबाचा चरितार्थ चालवतात. शहरातील अशा या महत्वाच्या संस्थेच्या अध्यक्षपदाची धूरा आता संजीवकुमार बोडके यांच्या खांद्यावर आली आहे. ( Sanjeev Kumar Bodake elected as President of Pimpri-Chinchwad City Full Market Association )
असोशिएशनचे मावळते अध्यक्ष नितिन रासकर यांचा अध्यक्षपदाचा कार्यकाळ समाप्त झाला होता. कार्यकाळ समाप्त झाल्यामुळे त्यांनी त्यांच्या पदाचा राजीनामा संघटनेकडे दिला होता. तो मंजूर करण्यात आला आहे. तसेच दिनांक 28 मे 2023 रोजी झालेल्या बैठकीतील ठरावानुसार पुढील अध्यक्ष म्हणून संजीवकुमार शांताराम बोडके यांची फुलबाजार आडते संघाच्या अध्यक्षपदी नियुक्ती करण्यात आली आहे.
फुलबाजार आडते संघ पिंपरी चे उपाध्यक्ष शहाजी राक्षे यांच्या सहीने हे पत्रक प्रसिद्ध करण्यात आले. सचिव संतोष जाधव, वरीष्ठ सल्लागार राजकुमार मोरे, दत्तात्रय फुले, शिवाजी सस्त यांनी संजीवकुमार बोडके यांना निवडीबद्दल अभिनंदन केले आहे. बोडके यांची कृषी उत्पन्न बाजार समिती पिंपरी – चिंचवड शहर फुल मार्केट असोशिएशनच्या अध्यक्षपदी निवड झाल्याबद्दल मावळ, हवेली, मुळशी, खेड, आंबेगाव, जुन्नर, शिरूर तालुक्यातील शेतकऱ्यांनी अभिनंदन आणि शुभेच्छा दिल्या आहेत.
अधिक वाचा –
– मोठी बातमी ! इराणचे अध्यक्ष इब्राहीम रईसी यांचा हेलिकॉप्टर अपघातात मृत्यू, संपूर्ण देशावर शोककळा । Iran President Ebrahim Raisi Helicopter Crash
– अखेर वडगाव नगरपंचायत प्रशासन जागं झालं ! शहरातील सर्व होर्डींगची केली पाहणी, अनधिकृत होर्डिंग धारकांवर होणार कारवाई
– घोणशेत येथील जुगार अड्ड्यावर कामशेत पोलिसांचा छापा ! 11 जणांवर गुन्हा दाखल, रोख रकमेसह जुगाराचे साहित्य जप्त । Kamshet News
