शिरगाव परंदवडी पोलिस पथकाने गुरुवारी (दि. 11) धडक कारवाई करत एका गावठी दारू अड्ड्यावर छापा टाकून तो उध्वस्त केला. पोलिसांनी मिळालेल्या माहितीच्या आधारे गुरुवारी, दिनांक 11 एप्रिल 2024 रोजी सायंकाळी 5 वाजून 45 मिनिटांनी शिरगाव गावच्या हद्दीत पवना नदी काठी छापा टाकला. यावेळी आरोपी पोलिसांची चाहूल लागताच पसार झाला परंतू पोलिसांनी सदर दारूअड्डा उध्वस्त केलाय. ( मावळ, पिंपरी-चिंचवड, पुणे परिसरातील ताज्या अपडेट्ससाठी दैनिक मावळचा व्हॉट्सअ‍ॅप चॅनेल जॉईन करा )
याप्रकरणी पोलिस शिपाई श्यामसुंदर वैजनाथ गुट्टे (वय 35, गुन्हे शाखा – युनिट 5 पिंपरी चिंचवड) यांनी शिरगाव परंदवडी पोलिस ठाण्यात फिर्याद दिली आहे. त्यानुसार 21 वर्षीय महिला आरोपी (रा. शिरगाव, मावळ) हिच्यावर गुन्हा दाखल केला असून ती सध्या फरार आहे. तिच्यावर महाराष्ट्र दारुबंदी अधिनियम कलम 65 (क)(फ) अन्वये गुन्हा दाखल करण्यात आला आहे. ( Shirgaon police raid Gavathi liquor den case registered against female accused )
पोलिसांनी दिलेल्या माहितीनुसार, पोलिसांनी छापा टाकला असता तिथे सदर महिला आरोपी गावठी दारू तयार करत होती. त्याठिकाणी अंदाजे 63 हजार रुपये किंमतीचे गावठी दारूचे रसायन आढळून आले. परंतू पोलिसांची चाहूल लागताच नदीकाठच्या झाडाझुडपांचा आधार घेत सदर आरोपी महिला फरार झाली. सदर प्रकरणाचा पुढील तपास पोलिस हवालदार साबळे हे करत आहेत.
अधिक वाचा-
– दुर्दैवी! सांगवडे येथे पवना नदीत बुडून तरुणाचा मृत्यू । Maval Crime
– हिंदू नववर्षानिमित्त वडगाव मावळ शहरात भव्य बाईक रॅली । Vadgaon Maval
– लोकसभा निवडणूकीच्या धामधुमीत लोणावळ्यामधील ठाकरे गटाच्या अनेक नेत्यांचा शिंदेंच्या शिवसेनेत पक्षप्रवेश । Maval Lok Sabha
