Dainik Maval News : भैरवनाथ विविध कार्यकारी सेवा सोसायटी आंबीच्या चेअरमनपदी सोमनाथ लक्ष्मण गव्हाणे यांची, तर व्हाईस चेअरमनपदी जयश्री संभाजी घोजगे यांची निवड करण्यात आली. मावळते चेअरमन नामदेव दरेकर व व्हाइस चेअरमन बाळासाहेब तुमकर यांनी ठरल्याप्रमाणे पदाचा राजीनामा दिला होता. यामुळे रिक्त झालेल्या पदासाठी निवडणूक घेण्यात आली.
यावेळी चेअरमन पदासाठी सोमनाथ गव्हाणे व संभाजी घोजगे असे दोघांचे अर्ज दाखल झाल्याने गुप्त पद्धतीने मतदान घेण्यात आले. यात बारा संचालकापैकी एक संचालक अनुपस्थित होता. त्यामध्ये सोमनाथ गव्हाणे यांना ६ मते मिळाली तर संभाजी घोजगे यांना ५ मते मिळाली. व्हाईस चेअरमनपदासाठी जयश्री घोजगे यांचा एकमेव अर्ज आल्याने त्या बिनविरोध निवडून आल्याचे निवडणूक निर्णय अधिकारी राकेश निखारे यांनी जाहीर केले.
- याप्रसंगी संचालक प्रकाश कलावडे, नारायण मोरे, माजी चेअरमन अर्जुन वारिंगे, रामनाथ घोजगे, नामदेव दरेकर, संचालक रोहिदास जगदाळे, राहुल बनसोडे, बाळासाहेब तुमकर, कमल घोजगे यांसह कृषी उत्पन्न बाजार समितीचे संचालक विक्रम कलावडे, हभप गणेश घोजगे, शिवाजी बो-हाडे, संदीप वारींगे व ग्रामस्थ, मान्यवर मोठ्या संख्येने उपस्थित होते.
सदर निवडणुक प्रक्रीया वडगाव मावळ येथील सहाय्यक निबंधक सहकारी संस्था मावळ यांचे कार्यालयात पार पडली. निवडणूक निर्णय अधिकारी राकेश निखारे व सहाय्यक म्हणून मनिषा जरे आणि संस्थेचे सचिव गुलाब ढोरे यांनी काम पाहिले. नवनिवार्चित चेअरमन, व्हॉइस चेअरमन यांचा उपस्थित मान्यवरांनी सत्कार केला.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– प्रधानमंत्री आवास योजना – ग्रामीण टप्पा 2 अंतर्गत मावळ तालुक्यातील 1,602 लाभार्थींना मंजुरीपत्र वाटप । Maval News
– मोठी बातमी : लोणावळ्यात द्रुतगती मार्गाच्या पुलाखाली उभारण्यात आलेल्या अनधिकृत झोपड्यांवर प्रशासनाची धडक कारवाई । Lonavala
– दहावीच्या विद्यार्थ्यांना आमदार शेळकेंकडून खास पद्धतीने ‘ऑल दी बेस्ट’ ; संपूर्ण तालुक्यातील विद्यार्थ्यांसाठी मोफत बससेवा
