दक्षिण अहमदनगर लोकसभा मतदारसंघाचे नवनिर्वाचित खासदार निलेश लंके यांनी आज (दि. 25 जून) खासदारकीची शपथ घेतली. नव्या संसद भवनातील निलेश लंके यांचा आज पहिला दिवस होता. संसदेच्या पायरीवर नतमस्तक होत निलेश लंके यांनी संसदेत प्रवेश केला. संसदेत सध्या 18 व्या लोकसभेसाठी निवडून आलेल्या सदस्यांचा अर्थात खासदारांचा शपथविधी सोहळा सुरू आहे. या दरम्यान निलेश लंके यांनी देखील खासदारकीची शपथ घेतली. परंतू आश्चर्याची बाब म्हणजे निलेश लंके यांनी थेट इंग्रजीतून आपल्या सदस्यत्वाची शपथ घेतली. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
निलेश लंके यांनी सभागृहात पाऊल ठेवताच पहिल्याच दिवशी आपले विरोधक सुजय विखे पाटील यांना जोरदार प्रत्युत्तर दिले आहे. दक्षिण अहमदनगर लोकसभेची निवडणूक यंदा अतिशय चुरशीची झाली. येथे गेल्या अनेक दशकांची विखे-पाटील घराण्याची असलेली सत्ता निलेश लंके यांनी मोडून काढली. भाजपाच्या तिकीटावर दुसऱ्यांदा खासदारकीसाठी उभे राहिलेले डॉ सुजय विखे पाटील यांचा पहिल्यांदाच तुतारीच्या चिन्हावर निवडणूक लढवत असलेल्या निलेश लंके यांनी दणदणीत पराभव केला. परंतू नगरची हि निवडणूक अनेक मुद्द्यांनी गाजली. त्यातही एक मुद्दा जास्त वेळ चर्चेला गेला होता, तो म्हणजे उमेदवारांचे शिक्षण. ( South Ahmednagar Lok Sabha Constituency MP Nilesh Lanke Took oath In English In Parliament Watch Video )
डॉ. सुजय विखे पाटील यांनी निलेश लंके यांच्या शिक्षणाचा मुद्दा पुढे करत त्यांना इंग्रजीतून भाषण करण्याचे आव्हान दिले होते. त्यांनी महिनाभर वेळ घ्यावा, पाठांतर करावे आणि बोलून दाखवावे, असे आव्हान विखे यांनी दिले होते. विखेंच्या त्या आव्हानाला लंकेंनी प्रचारादरम्यान सौम्य शब्दात प्रत्युत्तर दिलेही होते. ‘समोरच्या उमेदवाराने माझ्यासोबत इंग्रजीतून भाषण करण्याची स्पर्धा लावली आहे. डॉ. बाबासाहेब आंबेडकरांनी या देशाची घटना लिहिली आहे. प्रत्येकाला आपल्या मातृभाषेचा अभिमान हवा. संसदेत खासदाराला आपल्या भाषेतून बोलता येते. तुम्ही कोणत्या भाषेत बोलता यापेक्षा तुम्ही शेतकऱ्यांची, सर्वसामान्य लोकांची किती बाजू लावून धरता हे महत्वाचे आहे. इंग्रजीतून बोलणे महत्वाचे नाही. क्रांतिसिंह नाना पाटील यांनी संसदेत मराठी माणसाचा आवाज उठविला. आपल्या जिल्ह्यातील दिवंगत नेते बबनराव ढाकणे यांचेही शिक्षण कमीच होते,’ असे प्रत्युत्तर देत निलेश लंके यांनी प्रचारादरम्यान आपली बाजू सावरून धरली होती.
लोकसभा निवडणूकीत सुजय विखे-पाटील यांना 28 हजार मतांनी हरवत निलेश लंके यांनी मोठा विजय संपादित केला. त्यानंतर मंगळवारी (दिनांक 25 जून) त्यांनी लोकसभेत पहिले पाऊल ठेवले. यावेळी त्यांनी खासदारकीची सदस्यत्वाची शपथ घेत असताना सर्वांनाच अचंबित केले. निलेश लंके यांनी थेट इंग्रजीत आपल्या सदस्यत्वाची शपथ घेतली. लंके यांची ही कृती म्हणजे डॉ. सुजय विखे पाटील यांना जोरदार प्रत्युत्तर असल्याचे बोलले जात आहे.
जिंकलस भावा ! @Nilesh_LankeMLA
Don’t underestimate the Power of Common man!
And yes, You can talk English, walk English.. English is a funny language ! pic.twitter.com/kae7Rqm6Fe— Dr.Amol Kolhe (@kolhe_amol) June 25, 2024
दक्षिण अहमदनगर लोकसभा मतदारसंघाचे नवनिर्वाचित खासदार निलेश लंके यांनी आज (दि. 25 जून) खासदारकीची शपथ घेतली. परंतू आश्चर्याची बाब म्हणजे निलेश लंके यांनी थेट इंग्रजीतून आपल्या सदस्यत्वाची शपथ घेतली. @Nilesh_LankeMLA #nileshlanke #निलेशलंके #लंके #lanke #अहमदनगर pic.twitter.com/DZUg3YLwo4
— Dainik Maval दैनिक मावळ (@DainikMaval) June 25, 2024
सुजय विखेंनी इंग्रजीवरून लंकेना हिनवले होते,
निलेश लंकेनी आज खासदारकीची शपथ इंग्रजीत घेऊन सुजय विखेला उत्तर दिलाय.. pic.twitter.com/iY293bIw5d— Pratik S Patil (@Liberal_India1) June 25, 2024
अधिक वाचा –
– इंदोरी ग्रामपंचायतीच्या उपसरपंचपदी संदीप नाटक यांची बिनविरोध निवड । Maval News
– 1972 साली धरण झाले, 7 आमदार झाले, मात्र पवना धरणग्रस्तांचे प्रश्न मार्गी लागायला 2024 साल उजाडले । Pavana Dam
– पुणे रिंगरोड बाबत महत्वाची बातमी ! ‘एमएसआरडीसी’कडून प्रकल्पाबाबत महत्वाची अपडेट समोर । Pune Ring Road