Dainik Maval News : तळेगाव दाभाडे पोलीस ठाण्याच्या हद्दीत शिरगाव फाट्यावर एका महिलेचा मृतदेह पोत्यात आढळल्याची घटना सोमवारी (दि. 25) समोर आली होती. या महिलेची ओळख पटविण्यात पोलिसांना यश आले आहे. नीता शरद गोसावी (वय 45, रा. लोहगाव, पुणे) असे मृतदेह सापडलेल्या महिलेचे नाव आहे.
वरिष्ठ पोलीस निरीक्षक प्रदीप रायन्नावार यांनी दिलेल्या माहितीनुसार, जुन्या पुणे-मुंबई महामार्गावर शिरगाव फाट्यावर एका महिलेचा मृतदेह पोत्यात घालून फेकल्याची घटना उघडकीस आली होती. तळेगाव दाभाडे पोलिसांनी घटनास्थळी धाव घेत मृतदेह ताब्यात घेतला.
सदर मृत महिलेची ओळख पटविणे हे पोलिसांसमोर आव्हान होते. परंतु अथक प्रयत्नातून तळेगाव दाभाडे पोलिसांनी महिलेची ओळख पटवली आहे. संबंधित महिला लोहगाव येथील आहे. ती शनिवारी (दि. 23) तिच्या राहत्या घरातून बेपत्ता झाली. याबाबत रविवारी विमानतळ पोलीस ठाण्यात बेपत्ता झाल्याची तक्रार नोंदविण्यात आली आहे.
सोमवारी महिलेचा मृतदेह शिरगाव फाट्यावर पोत्यात आढळून आला. त्यामुळे महिलेचा खून करून मृतदेह पोत्यात घालून फेकून दिल्याचा प्राथमिक अंदाज पोलिसांनी वर्तवला आहे आहे. शवविच्छेदन अहवाल अद्याप आलेला नाही. अहवाल आल्यानंतर मृत्यूचे नेमके कारण स्पष्ट होईल. त्यानंतर पुढील कारवाई होणार असल्याचे वरिष्ठ पोलीस निरीक्षक प्रदीप रायन्नावार यांनी सांगितले.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– खळबळजनक ! वेटरला मारहाण केल्याने हॉटेल मालकाकडून स्वतःच्या मित्राचा खून, मावळमधील धक्कादायक घटना । Maval Crime
– मावळ तालुक्यातील शेतकऱ्यांना रब्बी हंगामातील पेरणीचे वेध, शेतीची मशागत सुरु । Maval News
– आव्हानांचा डोंगर पार करून सुनिल शेळके कसे विजयी झाले? वाचा शेळके यांच्या विजयाची 5 मुख्य कारणे । MLA Sunil Shelke
