Dainik Maval News : वडगाव साहित्य, कला व संस्कृती मंडळाच्या वतीने आयोजित ‘पुस्तक अभिवाचन कार्यशाळा’ हा नावीन्यपूर्ण उपक्रम वाचकांच्या उत्स्फूर्त प्रतिसादात पार पडला. या कार्यशाळेद्वारे ज्येष्ठ वैज्ञानिक व साहित्यिक डॉ. जयंत नारळीकर यांना त्यांच्या सुप्रसिद्ध ‘अंतराळातील भस्मासुर’ या विज्ञानकथासंग्रहातील दहा प्रकरणांचे अभिवाचन करून अभिवादन करण्यात आले.
कार्यक्रमाची सुरुवात दीपप्रज्वलन व लोणकर गुरुजी यांच्या गणेशस्तवनाने झाली. संस्थेचे अजित देशपांडे यांनी प्रास्ताविक करत अभिवाचनाची संकल्पना, त्याचे महत्त्व व नारळीकर यांना श्रद्धांजली वाहण्यामागील प्रेरणा सांगितली. संभाजी मोरे यांनी डॉ. नारळीकर यांचे जीवनकार्य आणि विज्ञानवादी दृष्टिकोन यावर भाष्य केले. जेष्ठ साहित्यिक प्रभाकर ओव्हाळ यांनी मंडळाच्या भावी योजनांची माहिती दिली. संस्था भविष्यात अश्या अनेक कार्यशाळांचे आयोजीत करणार असून त्यातुन नव्या पिढींला साहित्य, कलेविषयी आवड निर्माण होणार आहे, असे प्रतिदान केले.
दुसऱ्या सत्रात अभिवाचन सादरीकरण झाले. दहा अभिवाचक सदस्यांनी सादर केलेली प्रकरणे;
1. माधवी बाळासाहेब बोरावके – अंतराळातील भस्मासुर
2. अनुजा गोगटे – हिमप्रलय
3. ॲड. स्वाती वाळुंजकर – आकाशतले डोळे
4. रोहिणी भोर – स्फोट
5. शेखर पोफळे – अहंकार
6. साक्षी जोगळेकर – खरा वैज्ञानिक कोण?
7. प्रतिक्षा पाटील – विज्ञान युगात नारद
8. निलीमा भालेराव – लपलेला तारा
9. दीपक भालेराव – पेरूवाडीतील पुष्पक प्रकरण
10. पुष्कराज लोणकर – विज्ञानयुग व विज्ञानसाहित्य
कार्यशाळा संवादात्मक स्वरूपात राबविण्यात आली. उपस्थितांनी मार्गदर्शन, प्रश्नोत्तरे व शंकासमाधान करण्यात आले. मोहिनी गवस यांनी मनोगत व्यक्त करत मंडळाच्या स्थापनेचे स्वागत केले आणि भविष्यात असे उपक्रम सातत्याने व्हावेत अशी अपेक्षा व्यक्त केली. कार्यक्रमात महिलांची उपस्थिती विशेष लक्षवेधी होती. वडगावमधील साहित्य चळवळीला नवा आयाम देणारा हा उपक्रम यशस्वी ठरला असून मंडळाच्या पुढील उपक्रमांची उत्सुकता आता अधिक वाढली आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– शेतकऱ्यांच्या नुकसानीचे पंचनामे करा, चिखलमय रस्त्यांची डागडुजी करा ; राष्ट्रवादीचे तहसीलदारांना निवेदन । Maval News
– मोठी बातमी ! कृषी सहाय्यकांचा संप मिटला, सरकारकडून बहुतांश मागण्या मान्य, आजपासून पुन्हा कर्तव्यावर
– मावळ तालुक्यात कृषी प्रकल्प राबविण्यासाठी आमदार शेळकेंचा पुढाकार ; मंत्रालयातील बैठकीत मावळच्या प्रकल्पांसाठी विशेष मागणी
