पुढील पाच वर्षासाठी केलेल्या वाढीव कर मूल्यांकनाबाबत नगरपंचायत प्रशासनाने पुनर्विचार करावा, असे निवेदन वडगाव शहर ( Vadgaon Maval ) राष्ट्रवादी काँग्रेस पक्षाच्या (NCP) वतीने मुख्याधिकारी यांना देण्यात आले. यावेळी राष्ट्रवादी काँग्रेस पक्ष पुणे जिल्हाध्यक्ष ओबीसी विभाग अतुल राऊत, मावळ विधानसभा युवक अध्यक्ष विशाल वहिले, मावळ विधानसभा सहकार सेल अध्यक्ष सुधाकर वाघमारे, मा. ग्रा. पं. सदस्य बारकूनाना ढोरे, नितीन भांबळ, पंकज भामरे, राहील तांबोळी आदी उपस्थित होते. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
वडगाव नगरपंचायतीने नवीन पाच वर्षातील आर्थिक वर्ष 2023-24 करिता मालमत्ता करामध्ये काही अधिकचे कराची नोंद करून वडगाव नगरपंचायत हद्दीतील घरमालकांना कराच्या नोटिसा पाठविण्यात आलेल्या आहेत. ज्यामध्ये चुकीची मोजणी बांधकामासंबंधित लावलेले चुकीचे निष्कर्ष नवीन लावलेल्या करांमध्ये केलेली भरमसाठ वाढ याबाबत पाठविण्यात आलेल्या नोटिसा नंतर बऱ्याच जवळपास 600 हून अधिक घरमालकांनी यावर आक्षेप सादर केलेले आहेत.
5 डिसेंबर 2023 रोजीच्या केलेल्या प्रत्यक्ष सुनावणीमध्ये करा संबंधाने अनेकांनी तीव्र नाराजी व्यक्त केलेली आहे. प्रत्यक्ष झालेल्या सुनावणीमध्ये प्रत्यक्ष पाहणी तपासणी केल्यानंतर आवश्यक ते बदल करण्यात येतील, असे लेखी आदेश आक्षेपावर देण्यात आलेले आहेत. परंतु अद्यापही बऱ्याच ठिकाणी प्रत्यक्षात पाहणी केलेली दिसत नाही. आरोग्य कर, अग्निशमन कर, पथकर, शिक्षण कर अशा अनेक कर लागू केले आहेत यातील लावलेले काही वेगवेगळे कर या संदर्भात प्रत्यक्षात नागरिकांना सर्व सोयी देखील उपलब्ध नाहीत.
“वडगाव शहरातील घरमालकांमध्ये मोठ्या प्रमाणात असंतोष वाढत चाललेला असून त्याचप्रमाणे संभ्रम देखील आहे. वाढीव करा संबंधित नागरिकांमध्ये सर्वत्र चर्चा सुरू असल्याने सबब आपल्या असे निदर्शनास आणून देण्यात येते की, नवीन वाढीव अवास्तव करा संदर्भात पुनर्विचार करण्यात येऊन सुधारित करावा,” अशा आशयाचे निवेदन वडगाव शहर राष्ट्रवादी काँग्रेस पक्षाच्या वतीने मुख्याधिकारी डॉ प्रविण निकम यांना देण्यात आले.
अधिक वाचा –
– पुणे जिल्ह्यातील ग्रामीण भागात स्वस्त धान्य दुकान परवान्यासाठी अर्ज करण्याचे आवाहन, जाणून घ्या अर्ज प्रक्रिया । Pune News
– इंदोरीतील चैतन्य इंटरनॅशनल स्कूलमध्ये क्रांतिज्योती सावित्रीबाई फुले यांची जयंती उत्साहात साजरी । Savitribai Phule Jayanti
– IPS सत्यसाई कार्तिक यांच्या पथकाची सिनेस्टाईल कारवाई! ड्र’ग्ज विक्री करणाऱ्या आरोपींना रंगेहात अटक । Kamshet Crime