Dainik Maval News : मावळ विधानसभा मतदारसंघाचे विजयी उमेदवार सुनील शेळके यांना शहरी भागातून सर्वाधिक मताधिक्य मिळाले आहे. त्यातही तळेगाव दाभाडे शहरात सर्वाधिक मताधिक्य 13 हजार 957, देहूरोडमधून 6 हजार 443 मतांची आघाडी मिळाली आहे. यासह लोणावळा, देहूगाव, वडगाव मावळ शहरांतूनही सुनिल शेळके यांनीच आघाडी घेतली.
शनिवारी (दि.23) झालेल्या विधानसभेच्या मतमोजणीत सुनिल शेळके यांना एकूण 1 लाख 91 हजार 255 मते मिळाली. तर प्रमुख विरोधी उमेदवार बापूसाहेब भेगडे यांना 82 हजार 690 मते मिळाली. तर ‘नोटा’ या पर्यायाला तिसऱ्या क्रमांकाची 2715 इतकी मते मिळाली आहेत. सुनिल शेळके यांनी विक्रमी अशा 1 लाख 8 हजार 565 इतक्या फरकाने विजय मिळविला आहे.
प्रत्येक केंद्रात सरासरी तीनशेचं लीड
मावळ मतदारसंघात 403 बूथ होते. दोन-तीन बूथ मिळून एक मतदान केंद्र करण्यात आले. या सर्व मतदान केंद्रांवर सुनिल शेळके यांनीच आघाडी घेतली आहे. बूथनिहाय शेळके यांनी बापूसाहेब भेगडे यांच्यापेक्षा सरासरी तीनशे मतांची आघाडी घेतल्याचे दिसते. पोस्टल मतांमध्येही सुनील शेळके यांनी 524 मते घेतली, तर बापूसाहेब भेगडे यांना 235 मते मिळाली आहे.
शहरी भागात शेळकेंना मिळालेले मताधिक्य
तळेगाव दाभाडे शहर
सुनिल शेळके – 41,299
बापू भेगडे – 27,342
शेळकेंना मताधिक्य – 13,957
देहूरोड शहर
सुनिल शेळके – 19,726
बापू भेगडे – 13,283
शेळकेंना मताधिक्य – 6,443
देहूगाव शहर
सुनिल शेळके – 15,106
बापू भेगडे – 10,104
शेळकेंना मताधिक्य – 5,002
लोणावळा शहर
सुनिल शेळके – 13,975
बापू भेगडे – 10,369
शेळकेंना मताधिक्य – 3,606
वडगाव शहर
सुनिल शेळके – 13,091
बापू भेगडे – 8,691
शेळकेंना मताधिक्य – 3,400
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– मावळ तालुक्यातील शेतकऱ्यांना रब्बी हंगामातील पेरणीचे वेध, शेतीची मशागत सुरु । Maval News
– आव्हानांचा डोंगर पार करून सुनिल शेळके कसे विजयी झाले? वाचा शेळके यांच्या विजयाची 5 मुख्य कारणे । MLA Sunil Shelke
– सुनिल शेळके यांच्या ऐतिहासिक विजयानंतर मावळात गावोगावी विजयी मिरवणूका, डिजेच्या ठेक्यात कार्यकर्त्यांचा जल्लोष
