World Yoga Day Celebrated In Lonavala College : कला, वाणिज्य आणि विज्ञान महाविद्यालय लोणावळा येथे महाविद्यालय आणि रोटरी क्लब यांच्या माध्यमातून जागतिक योग दिवस 2024 निमित्त योग अभ्यास आणि प्रात्यक्षिके कार्यक्रम आयोजित करण्यात आला होता. कार्यक्रमाला मार्गदर्शक म्हणून महाविद्यालयाच्याच माजी विद्यार्थीनी तथा योग अभ्यासक कु. वृषाली आंदेकर आणि कु. दिव्या शिर्के उपस्थित होत्या. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
त्यांनी महाविद्यालयातील उपस्थित प्राध्यापक आणि विद्यार्थ्यांना योग दिनानिमित्त संबोधित केले. तसेच दररोज सहजतेने करता येतील असे अनेक योगासने शिकवली आणि त्यांचे प्रात्यक्षिक करून घेतले. ‘सहजतेने आणि नियमित योगा केल्यामुळे असाध्य आजारांवर सहज मात करता येते’ याबद्दल दिव्या शिर्के यांनी मार्गदर्शन केले. तर वृषाली आंदेकर यांनी, ‘दररोजच्या जीवनात सोप्या योग साधना केल्यास प्रत्येक व्यक्तीला आरोग्यमय आयुष्याची हमी प्राप्त होते,’ असे सांगितले. ( World Yoga Day celebrated in Lonavala College International Yoga Day 2024 )
लोणावळा कॉलेज आणि रोटरी क्लब लोणावळा यांच्या संयुक्त विद्यमाने आयोजित या कार्यक्रमाला प्रमुख मार्गदर्शक वृषाली आंदेकर, दिव्या शिर्के यांसह महाविद्यालयाचे प्राचार्य डॉ. नरेंद्र देशमुख, उपप्राचार्य डॉ. विलास पाटील, रोटरी क्लब लोणावळा अध्यक्ष दिलीप पवार, श्री कुलकर्णी, नितीन कल्याण आदी उपस्थित होते. या कार्यक्रमाचे नियोजन राष्ट्रीय सेवा योजनेचे कार्यक्रम प्रमुख डॉ. पवन शिनगारे, प्रा. रोहन वर्तक, डॉ. श्रीकांत होगले, सतीश गायकवाड, रवी उंबरे यांनी केले.
दरवर्षी 21 जून रोजी जगभरात ‘आंतरराष्ट्रीय योग दिवस’ साजरा केला जातो. दरवर्षी हा दिवस साजरा करण्यासाठी एक विशेष थीम देखील असते. योगाच्या प्राचीन भारतीय पद्धती, शारीरिक आणि मानसिक आरोग्यासाठी त्याचे बहुआयामी फायदे याबद्दल लोकांमध्ये जागरूकता वाढवण्यासाठी ‘आंतरराष्ट्रीय योग दिवस’ साजरा केला जातो. यंदाच्या आंतरराष्ट्रीय योग दिनाची थीम ही ‘महिला सक्षमीकरणासाठी योग’ अशी आहे.
अधिक वाचा –
– अर्धी लढाई जिंकली ! तळेगाव नगरपरिषदेच्या करवाढीस स्थगितीचा आदेश नगरविकास खात्याकडून जारी, आमदार शेळकेंच्या प्रयत्नांना यश
– वतन इनामी जमिनीबाबत कायदा करून कडक अंमलबजावणी व्हावी, रामोशी समाजाच्या जमिनी हडपल्या जात असल्याचा गंभीर आरोप
– मावळ तालुक्यातील सर्व पर्यटनस्थळांची यादी वाचा एका क्लिकवर । List of All Tourist Places In Maval Taluka
