Dainik Maval News : कचरा गोळा करणाऱ्या वाहनाची धडक बसून ६५ वर्षीय व्यक्तीचा मृत्यू झाला. ही घटना शनिवारी (दि. ५ एप्रिल) रोजी सकाळी साडेअकराच्या सुमारास घडली. अशोक सुदाम जाधव (वय ६५) असे दुर्घटनेत मृत्यू पावलेल्या व्यक्तीचे नाव आहे. देहूरोड, साईनगर परिसरात ही घटना घडली.
याप्रकरणी सागर अशोक जाधव (वय ३८) यांनी देहूरोड पोलीस ठाण्यात फिर्याद दिली आहे. त्यानुसार, वाहन चालक बाळासाहेब गोकुळ गायकवाड (वय ४०, रा. समर्थनगर, देहूरोड) याच्यावर पोलिसांनी गुन्हा दाखल केला आहे.
पोलिसांनी दिलेल्या माहितीनुसार, कचरा गोळा करण्यासाठी आलेल्या कॉम्पॅक्टर गाडीची धडक बसून अशोक सुदाम जाधव हे खाली पडले. आरोपी वाहन चालकाने निष्काळजीपणे वाहन चालवून फिर्यादीच्या वडिलांना गंभीरित्या जखमी केल्याने त्यांचा मृत्यू झाला, असे फिर्यादीत नमूद आहे. देहूरोड पोलीस अधिक तपास करीत आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– महत्वाची बातमी : पुणे – लोणावळा रेल्वे मार्गावर 3 दिवसांचा ब्लॉक, लोकलसह एक्स्प्रेस गाड्यांच्या वेळापत्रकात बदल । mega block on central railway
– आयपीएस सत्यसाई कार्तिक यांच्या बदलीच्या एक महिन्यानंतरही उपविभागीय पोलीस अधिकाऱ्याची खूर्ची रिकामीच । Lonavala News
– पर्यटनासाठी येताय? मग 9850112400 हा नंबर सेव्ह करून ठेवा ; लोणावळा पोलिसांकडून पर्यटकांसाठी हेल्पलाइन नंबर सुरू । Lonavala Tourist Helpline Number
