लोणावळा उपविभागाचे सहाय्यक पोलीस अधीक्षक सत्यसाई कार्तिक यांनी उपविभागाचा पदभार स्वीकरल्यानंतर अवैध धंद्यांवर आणि गुन्हेगारांवर कायदेशीर कारवाईची मालिका सुरूच ठेवली आहे. त्याचाच एक भाग म्हणून सत्यसाई कार्तिक यांना गुप्त बातमीदारामार्फत अशी बातमी मिळाली होती की, लोणावळा शहर पोलीस स्टेशन हद्दीतील मौजे खंडाळा इथे एका व्यक्तीच्या घराच्या आडोशाला ओळखीच्या लोकांना अवैधरित्या दारू विक्री केली जात आहे. ह्याचा परिसरातील युवकांवर वाईट परिणाम होत आहेत. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
सदर माहितीवरून सहाय्यक पोलीस अधीक्षक सत्यसाई कार्तिक यांनी शुक्रवारी (दि. 29 डिसेंबर) रोजी त्यांच्या कार्यालयाकडील डीबी पथकाला मिळालेल्या बातमीचे ठिकाणी पाठवले. त्यानंतर पथकाने खंडाळा (ता. मावळ) इथे मिळालेल्या बातमीच्या ठिकाणी अजय उर्फ बाबा जांभुळकर याच्या घरावर छापा टाकला असता छाप्यात त्याच्या ताब्यातून एकूण 10 हजार 895 रूपये किमतीचा अवैध, विनापरवाना विक्री करण्यासाठी ठेवलेला दारूचा साठा जप्त करण्यात आला आहे. ( police raided a place where liquor was being sold illegally in khandala near lonavla )
सदरबाबत पोलिसांनी दिलेल्या फिर्यादीवरून लोणावळा शहर पोलीस स्टेशन इथे महाराष्ट्र दारूबंदी अधिनियमचे कलमान्वये गुन्हा नोंद करण्यात आला असून पुढील तपास लोणावळा शहर पोलीस करत आहेत. सदरची कारवाई पुणे ग्रामीण पोलीस दलाचे पोलीस अधीक्षक अंकित गोयल, अपर पोलीस अधीक्षक मितेश घट्टे यांच्या मार्गदर्शनाखाली लोणावळा उपविभागाचे सहाय्यक पोलीस अधीक्षक सत्यसाई कार्तिक, सपोनि सचिन राऊळ, पोसई शुभम चव्हाण, पोसई भारत भोसले, पोहवा नितेश (बंटी) कवडे, पोकॉ रईस मुलानी यांचे पथकाने केली आहे.
अधिक वाचा –
– महत्वाचा निर्णय! पवना आणि इंद्रायणी नद्या उगमापासून स्वच्छ होणार । Amrit Yojana
– लोणावळा पोलिस इन ॲक्शन मोड! वेहेरगावातील मटका अड्ड्यावर धडक कारवाई, 16 जणांविरोधात गुन्हा दाखल । Lonavala Crime
– पक्के ड्रायव्हिंग लायसन्स पाहिजे? आरटीओकडून जानेवारी 2024 दौऱ्याचे वेळापत्रक जाहीर, पाहा तारखा
