शिलाटणे (ता. मावळ) येथील जिल्हा परिषद शाळेला महिंद्रा एक्सेलो कंपनी (कान्हे) यांच्यामार्फत अद्ययावत असे स्वच्छतागृह बांधून देण्यात आले. महिंद्रा एक्सेलो कंपनीच्या सामाजिक उत्तरदायित्व निधीतून शाळेतील 90 विद्यार्थ्यांसाठी सुमारे 10 लाख निधी खर्च करून हे अद्ययावत स्वच्छतागृह बांधण्यात आले. या अद्ययावत स्वच्छतागृहामुळे विद्यार्थ्यांची गैरसोय टळणार आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
महिंद्रा एक्सेलो कंपनीचे कमर्शिअल व्हाईस प्रेसिडेंट दिवाकर श्रीवास्तव आणि बाळासाहेब भानुसघरे (चेअरमन) यांच्या हस्ते या स्वच्छतागृहाचे लोकार्पण आणि उद्घाटन करण्यात आले. यावेळी महिंद्रा एक्सेलो कंपनीच्या अधिकारी वर्गातून जगदीश परब, अभिजीत जाधव, दिपक लोहार, संदीप येवले, अजय दीक्षित, नरेश शेलार उपस्थित होते. तर शिलाटणे ग्रामपंचायतीचे सरपंच गुलाब आहिरे, दत्ता भानुसघरे, संभाजी भानुसघरे, शरद आहिरे, संकेत भानुसघरे आदी मान्यवर आणि शालेय शिक्षण समितीच्या अध्यक्षा रसिका भानुसघरे, पालकवर्ग आणि ग्रामस्थ मोठ्या संख्येने उपस्थित होते.
शाळेचे माजी विद्यार्थी संदीप येवले यांच्यामार्फत हा कार्यक्रम राबवण्यात आला. शाळेच्या मुख्याध्यापिका गरड मॅडम आणि सहकारी शिक्षक यांनी कार्यक्रमाचे यशस्वी नियोजन केले. लोकार्पण सोहळ्याला उपस्थित सर्वांचे आभार सचिन भानुसघरे यांनी मानले. ( modern restroom for students of zp school shilatne maval through mahindra excelo company )
अधिक वाचा –
– मावळ भाजपाची युवा वॉरियर्स कार्यकारणी जाहीर; ‘तरुणांनी स्वामी विवेकानंद, नरेंद्र मोदी यांच्या कार्याचा आदर्श घ्यावा’ – रविंद्र भेगडे
– इनर व्हील क्लबकडून पवनानगर इथे शंभरावा इनरव्हील डे साजरा । Inner Wheel Club
– किराणा घराण्याच्या ज्येष्ठ गायिका पद्मविभूषण स्वरयोगिनी डॉ. प्रभा अत्रे यांचे निधन, संगीत विश्वावर शोककळा । Prabha Atre Passed Away
