पुणे जिल्ह्यातील मावळ तालुक्यातील पिंपरी बुद्रुक याठिकाणी श्री विठ्ठल रुक्मिणी मंदिरातील समाजकेंद्रात “श्री अशोक सिंघल मेमोरिअल ट्रस्ट, मुंबई संचालित ग्रामदूत प्रकल्पांतर्गत गावातील महिलांच्या आर्थिक उन्नतीसाठी लोणचे बनवण्याच्या व्यवसायास सुरुवात करण्यात आली. श्री अशोक सिंघल मेमोरिअल ट्रस्ट मुंबई संचालित ग्रामदूत हा प्रकल्प मावळ तालुक्यातील (आंदर मावळ आणि पवन मावळ) येथील 17 ग्रामपंचायत आणि ६८ वाड्या वस्त्यामध्ये राबविला जात आहे. सदर प्रकल्पांतर्गत ग्रामीण भागातील वाड्या वस्त्यांचा सर्वांगीण विकास व्हावा म्हणून शिक्षण, आरोग्य, पाणी, उपजिविका आणि भौतिक विकास या आयामाअंतर्गत लोकसहभागातून ग्राम विकासाची कामे केली जात आहेत. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
त्यामध्ये माऊची डोंगरवाडी आणि कुसवली येथील पेयजल योजना, विद्यार्थ्यांची गुणवत्ता विकास व्हावा म्हणून 50 वाड्या वस्त्यामध्ये स्वविकास केंद्रास सुरुवात केली. विद्यार्थ्यांच्या वैज्ञानिक विकास व्हावा म्हणून knowledge on wheel ची सुरवात केली. सर्वसाधारण आरोग्य सेवा सुरु केल्या, कडधान्य वाटपातून मुलांचे आरोग्य व त्यांचे पोषण चांगले व्हावे हा उद्देश आहे. महिलांच्या आर्थिक उन्नतीसाठी बचत गटाच्या माध्यमातून विविध व्यवसायांना सुरुवात केली आहे. तसेच ग्रामीण भागात विविध व्यवसाय करण्यासाठी लोकसहभागातून समाज केंद्राची उभारणी केली जात आहे. ( pickle making project started for women SHG groups through Ashok Singhal Memorial Trust at Pimpri Village Maval )
पिंपरी बु. गावातील श्री विठ्ठल रुक्मिणी मंदिर व समाज केंद्र संस्थेच्यावतीने लोकसहभागातून बांधण्यात आले. त्याचे लोकार्पण दि. 8 जानेवारी 2024 रोजी करण्यात आले. सदर मंदिरातील समाज केंद्रात संस्थेच्या वतीने दिनांक 20 जानेवारी 2024 रोजी पिंपरी बु.येथील महिला बचत गटासाठी प्रथमच लोणचे उद्योगास सुरुवात करण्यात आली. सदर उद्योगांमार्फत विविध प्रकारची लोणची तयार करण्यात येणार असून, याची प्रथम चाचणीचे प्रशिक्षण “होमपीक” या नावाजलेल्या मुंबई येथील उद्योग समूहाच्या माध्यमातून देण्यात आले.
प्रथम चाचणीत “मुरआवळा” कसा तयार केला जातो, याचे प्रत्याक्षिकासह प्रशिक्षण ही दिले आणि मूरआवळा तयार करण्यात आला. सदर प्रशिक्षण यशस्वी रित्या पूर्ण करण्यासाठी “होमपीक” या उद्योगसमुहाचे मालक चिन्तंजी बयानी उपस्थित होते. त्यांनी येथे तयार होणारे सर्व लोणचे त्यांच्या उद्योगसमूहाच्या माध्यमातून विकत घेतले जाईल असे सांगितले. तसेच संस्थेचे संचालक सुरेश पंसारी, प्रकल्प प्रमुख माणिक गवळी, प्रकल्प समन्वयक लक्ष्मण केंगले, महिला बचत गटातील सर्व महिला, सरपंच राजेश कोकाटे आणि ग्रामस्थ उपस्थित होते. महिलांच्या आर्थिक उन्नतीसाठी संस्थेने केलेल्या लोणचे उद्योगाचे सर्वत्र स्वागत होत आहे.
अधिक वाचा –
– Breaking! लोहगड किल्ल्यावरील हजी हजरत उमरशावली बाबा दर्गा उरूसाच्या पार्श्वभूमीवर प्रतिबंधात्मक आदेश जारी । Lohgad Fort News
– मावळमध्ये विकास कामांचा धडाका! खासदार श्रीरंग बारणे यांच्या हस्ते 21.50 कोटींच्या कामांचे भूमिपूजन । Maval News
– मावळ तालुक्यात कुठल्या शहरात आणि किती वाजता येणार मराठा समाजाचे भगवे वादळ? पाहा मनोज जरांगे यांचे आजचे वेळापत्रक । Maratha Reservation Manoj Jarange Patil
