‘राज्यभर नमो महारोजगार मेळावे, मुंबईत मालमत्ता कर वाढ नाही ते पतसंस्थांना मजबूत करणार’, शिंदे सरकारचे मोठे निर्णय, वाचा एका क्लिकवर

राज्य मंत्रिमंडळाची महत्वाची बैठक आज (सोमवार, दि. 5) रोजी मुंबईत सह्याद्री अतिथीगृह येथे पार पडली. मुख्यमंत्री एकनाथ शिंदे यांच्या अध्यक्षतेखाली झालेल्या या बैठकीत अनेक महत्वाचे निर्णय घेण्यात आले. उपमुख्यमंत्री देवेंद्र फडणवीस, उपमुख्यमंत्री अजित पवार आणि मंत्रिमंडळातील अन्य सदस्य यावेळी उपस्थित होते. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )

मंत्रिमंडळ बैठकीत घेतलेले निर्णय संक्षिप्त स्वरूपात खालीलप्रमाणे;
नगरविकास विभाग – मुंबईकरांना यावर्षी सुद्धा मालमत्ता कर वाढ नाही.
कौशल्य विकास विभाग – राज्यात नमो महारोजगार मेळावे आयोजित करणार. 2 लाख रोजगार, स्वयंरोजगार निर्माण करणार.
सामाजिक न्याय विभाग – ज्येष्ठ नागरिकांसाठी शासन संवेदनशील. मुख्यमंत्री वयोश्री योजनेतून 65 वर्षावरील नागरिकांना लाभ देणार.
नगर विकास विभाग – राज्यातील सर्व पालिकांमध्ये आता नगरोत्थान महाभियान राबवणार. पायाभूत सुविधा बळकट करणार.
वन विभाग – उत्पन्नवाढीसाठी शेतकऱ्यांना बांबू लागवडीसाठी अनुदान देणार.

उद्योग विभाग – मधाचे गाव योजना संपूर्ण राज्यात राबवणार. मध उद्योगाला बळकटी.
वन विभाग – पर्यटनाला प्रोत्साहन देण्यासाठी जुन्नर तालुक्यात बिबट सफारी.
ग्राम विकास विभाग – बंजारा, लमाण समाजाच्या तांड्यांचा विकास करणार. मूलभूत सुविधा देणार.
सामान्य प्रशासन विभाग – शिर्डी विमानतळाचा अधिक विस्तार, नवीन इमारत उभारणी.
गृहनिर्माण विभाग – धारावी पुनर्वसनासाठी केंद्राची मिठागर जागा मागणार.
विधि व न्याय विभाग – सेवानिवृत्त न्यायिक अधिकाऱ्यांना सुधारित भत्ते
जलसंपदा विभाग – स्व.बाळासाहेब ठाकरे उपसा सिंचन सांगोला प्रकल्पास सुधारित मान्यता.

मुख्यमंत्री @mieknathshinde यांच्या अध्यक्षतेखाली आज पार पडलेल्या राज्य मंत्रिमंडळाच्या बैठकीत विविध महत्त्वाचे निर्णय घेण्यात आले. सह्याद्री अतिथीगृह येथे झालेल्या या मंत्रिमंडळ बैठकीस उप मुख्यमंत्री देवेंद्र फडणवीस, उपमुख्यमंत्री अजित पवार आणि मंत्रिमंडळातील सदस्य उपस्थित… pic.twitter.com/65F5ENnhBd

— CMO Maharashtra (@CMOMaharashtra) February 5, 2024

सहकार विभाग – बिगर कृषी सहकारी संस्थांना अर्थसहाय्य. पतसंस्थांना मजबूत करणार.
जलसंपदा विभाग – कोंढाणे लघु प्रकलपाच्या कामास जादा खर्चास मान्यता.
जलसंपदा विभाग – तिवसे लघु पाटबंधारे योजनेची पुनर्स्थापना करणार.
महसूल विभाग – नांदेडच्या गुरुद्धारासाठी तख्त सचखंड श्री हजूद सादिब गुरुद्धारा अधिनियम.
सामान्य प्रशासन विभाग – महाराष्ट्र लोकसेवा आयोगाची प्रतिमा उंचावण्यासाठी जनसंपर्क अधिकारी नेमणार.
कृषी विभाग – कृषी विद्यापीठातील शिक्षकांच्या सेवानिवृत्तीचे वय आता साठ वर्ष.
सार्वजनिक बांधकाम विभाग – सिंधुदुर्ग जिल्ह्यात सार्वजनिक बांधकामचे नवीन मंडळ कार्यालय.
पशुसंवर्धन विभाग – गोसेवा आयोगासाठी सहआयुक्त पशुसंवर्धन पद.
( Read In Brief All Decisions Taken By CM Eknath Shinde Maharashtra Govt In Cabinet Meeting February 2024 )

अधिक वाचा –
– खासदार श्रीरंग बारणेंकडून पवन मावळ दौऱ्यात विविध विकासकामांचे भूमिपूजन आणि लोकार्पण; सोमाटणेत बारणेंचा नागरी सत्कार
– मावळमधील महाविकासआघाडीच्या नेत्यांचा वडगावातील ‘शासन आपल्या दारी’ कार्यक्रमाला विरोध; गण निहाय अभियान राबवण्याची मागणी
– खुशखबर! मावळ तालुक्यातील 11 गावांतील साकव पुलांसाठी तब्बल 5 कोटी 21 लाखांचा निधी मंजूर, पाहा संपूर्ण यादी । MLA Sunil Shelke