शिवसेना उद्धव बाळासाहेब ठाकरे पक्षाचे मावळ लोकसभेचे संघटक तथा पिंपरी चिंचवड महापालिकेचे माजी महापौर संजोग वाघेरे हे बुधवारी (दि. 7) पवन मावळ दौऱ्यावर येणार आहेत. लोकसभा निवडणूकीतील ठाकरे गटाचे मावळमधील संभाव्य उमेदवार म्हणून संजोग वाघेरे यांच्याकडे पाहिले जाते. वाघेरे यांनीही मागील अनेक दिवसांपासून शिवसेना (ठाकरे गट) पक्षात आल्यापासून मतदारसंघात भेटीगाठी वाढवल्या आहेत. बुधवारी ते पवन मावळ विभागाचा दौरा करणार आहेत. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
बुधवारी पवन मावळमधील बलाढ्य आणि ऐतिहासिक किल्ला असलेल्या किल्ले लोहगड येथे ते गडपुजन करणार आहेत. भारत सरकारकडून यूनेस्कोच्या जागतिक वारसा स्थळाच्या नामांकनासाठी प्रस्ताव पाठवण्यात आला, त्यात किल्ले लोहगडाचा समावेश कऱण्यात आलाय. त्यामुळे आपल्या पवन मावळ दौऱ्याची सुरुवात वाघेरे हे गडपुजनाने करणार आहेत. तर त्यानंतर पवना धरण परिसराला भेट देऊन धरणाची सद्यस्थिती पाहणार आहेत., अशी माहिती शिवसेना पुणे जिल्हा निवडणूक समन्वयक भूषण जगताप यांनी दिली. ( Shiv Sena Thackeray Group Leader Sanjog Waghere Pavan Maval Visit Will worship Lohgad Fort )
अधिक वाचा –
– मावळमधील महाविकासआघाडीच्या नेत्यांचा वडगावातील ‘शासन आपल्या दारी’ कार्यक्रमाला विरोध; गण निहाय अभियान राबवण्याची मागणी
– खुशखबर! मावळ तालुक्यातील 11 गावांतील साकव पुलांसाठी तब्बल 5 कोटी 21 लाखांचा निधी मंजूर, पाहा संपूर्ण यादी । MLA Sunil Shelke
– वडगाव – सांगवी जोडरस्त्यावरील धोकादायक वळणावर संरक्षक लोखंडी कठडे बसवण्याचे काम पूर्ण । Vadgaon Maval
