राजकारणात कधी काय होईल, हे कुणीही सांगू शकत नाही. तसेच राजकारणात कोणीही कधीही परमनंट मित्र किंवा परमनंट शत्रू नसतो, असेही म्हटले जाते. मावळ लोकसभा मतदारसंघात सध्या हीच राजकीय परिस्थिती सर्वांना पाहायला मिळत आहे. एकेकाळी ज्याने आपल्या लेकाचा पराभव केला होता, त्याच्याच प्रचारासाठी आज पित्याला धावाधाव करत लागत असल्याचे मावळ लोकसभेत संपूर्ण राज्य पाहात आहे. आणि हा पिता दुसरा तिसरा कोणीही नसून स्वतः महाराष्ट्राच्या राजकारणातील ‘दादा’ अर्थात राज्याचे विद्यमान उपमुख्यमंत्री अजितदादा पवार हेच आहेत. ( मावळ, पिंपरी-चिंचवड, पुणे परिसरातील ताज्या अपडेट्ससाठी दैनिक मावळचा व्हॉट्सअॅप चॅनेल जॉईन करा )
अजित दादा यांचा पक्ष सध्या राज्यात सत्तेत असून महायुतीचा भाग आहे. लोकसभा निवडणूकीत मावळ लोकसभा मतदारसंघ शिवसेना पक्षाला अर्थात एकनाथ शिंदे यांना मिळाला आहे. त्याठिकाणी एकनाथ शिंदे यांच्या पक्षाचे खासदार श्रीरंग बारणे यांनाच पुन्हा तिकीट मिळाले आहे. बारणे तिसऱ्यांदा निवडणूकीत उभे राहिले असून खासदारकीची हॅटट्रीक करण्यासाठी सज्ज झाले आहेत. त्यांच्या विजयासाठी महायुतीतील सर्वच पक्षाचे नेते, पदाधिकारी आणि स्थानिक कार्यकर्ते झाडून तयारीला लागले आहेत. यात राष्ट्रवादीचे अध्यक्ष अजितदादा यांचाही समावेश आहे. परंतू इतर कुणापेक्षाही अजित पवार यांच्यासाठी मावळ लोकसभेची जागा आणि येथील प्रचार करणे म्हणजे कडू आठवणींना उजाळा देण्यासारखे आहे. कारण याच मतदारसंघात त्यांचे पुत्र पार्थ पवार यांचा गेल्या लोकसभेला पराभव झाला होता, आणि ज्यांनी पार्थ पवार यांचा पराभव केला ते होते स्वतः श्रीरंग बारणे. ( Maval Lok Sabha Constituency NCP Ajit Pawar Campaigning For Shiv Sena Candidate Shrirang Barne Even Parth Pawar Defeated By Barne In 2019 )
मावळ लोकसभा मतदारसंघात महायुतीच्या उमेदवाराच्या अर्था श्रीरंग बारणे यांच्या प्रचारार्थ महायुतीच्या सर्व घटक पक्षांची संयुक्त बैठक आज (दि. 8 एप्रिल) पार पडली. या बैठकीला स्वतः अजित पवार यांची प्रमुख उपस्थिती होती. यावेळी उपमुख्यमंत्री अजित पवार यांनी स्वतः महायुतीच्या कार्यकर्त्यांना तंबी दिली. बारणे यांच्या प्रचारात कुणीही कमी पडू नये, याबद्दल सुचना केल्या. अजित पवार यांच्या सुचना या सध्याच्या राजकारणाला साजेशा आहेत. परंतू या निमित्ताने राज्यातील जनतेला राजकारणाचा र शिकायला मिळतो आहे, हे नक्की.
अधिक वाचा –
– ‘नरेंद्र मोदी यांना तिसऱ्यांदा पंतप्रधान बनवण्यासाठी श्रीरंग बारणे यांचा विजय महत्वाचा’ – भाजपा प्रदेशाध्यक्ष चंद्रशेखर बावनकुळे
– मावळ लोकसभेचे उमेदवार संजोग वाघेरे यांच्या प्रचारार्थ महाविकास आघाडीच्या पदाधिकारी आणि कार्यकर्त्यांचा मेळावा संपन्न
– मोठी बातमी! लोकसभा निवडणूकीत मतदानाच्या दिवशी मतदारसंघात सार्वजनिक सुट्टी जाहीर, राज्य सरकारचा निर्णय
