मावळ तालुक्यातील भाजे गावात गुढीपाडवा सणाचे औचित्य साधत छत्रपती शिवाजी महाराजांच्या अश्वारुढ पुतळ्याचे अनावरण करण्यात आले. कार्ला लेणीपासून जवळ असलेले आणि किल्ले लोहगड व विसापूर यांच्या पायथ्याशी असलेले ऐतिहासिक भाजे गाव. या भाजे गावाच्या हद्दीतही भाजे लेणी आहे. अशा ऐतिहासिक आणि पर्यटनासाठी प्रसिद्ध गावात आता शिवरूप अवतरले आहे. भाजे गावात लोकसहभागातून छत्रपती शिवाजी महाराज यांचा 16 फूट उंच अश्वारूढ पुतळा उभारण्यात आला आहे. त्याचे अनावरण गुढीपाडव्याच्या शुभमुहूर्तावर ग्रामस्थांच्या हस्ते करण्यात आले. ( मावळ, पिंपरी-चिंचवड, पुणे परिसरातील ताज्या अपडेट्ससाठी दैनिक मावळचा व्हॉट्सअ‍ॅप चॅनेल जॉईन करा )
पुणे जिल्ह्यातील ग्रामीण भागातील सर्वाधिक उंची असलेला हा एकमेव पुतळा आहे. मागील दोन वर्षापासून सदरचा पुतळा बसवण्यासाठी चौथरा बनवण्याचे काम व सोबतच पुतळा बनविण्याचे काम देखील सुरू होते. साधारण 18 फूट उंचीचा चौथरा येथे बनवण्यात आला असून त्यावर महाराजांचा 16 फूट उंचीचा पुतळा बसवण्यात आला आहे. लोक सहभागातून हे काम करण्यात आले असून भाजे गावातील प्रत्येकाचा त्यामध्ये हातभार लागला आहे. सोबतच आजूबाजूच्या पंचक्रोशीतील दानशूर व्यक्तीने देखील या कामी मदतीचा हात दिला आहे. ( 16 feet tall statue of Chhatrapati Shivaji Maharaj was unveiled at Bhaje village Maval taluka )
सर्वांच्या मदतीने व सहकार्याने अतिशय सुंदर अशा पद्धतीने भाजे गावामध्ये छत्रपती शिवाजी महाराजांचा अश्वारूढ पुतळा उभारण्यात आला आहे. पुतळ्याला चारही दिशेने राजमुद्रा बसवण्यात आली आहे. पुतळ्याच्या परिसरामध्ये सुशोभीकरण करण्यात आहे. गुढीपाडव्याच्या दिवशी सायंकाळी चार वाजता पारंपारिक वेशभूषेत व पारंपारिक वाद्यांच्या गजरामध्ये मळवली ते भाजे दरम्यान भव्य मिरवणूक काढण्यात आली. यामध्ये ढोल लेझीम पथक, ऊंट, घोडे, डीजे, विद्युत रोषणाई सह शिवकालीन मर्दानी खेळांचा सहभाग होता.
पारंपरिक रथ व बैलगाड्यांसह पारंपारिक वेशभूषेत ग्रामस्थांबरोबर परिसरामधील नागरिकही या सोहळ्यात सहभागी होऊन या ऐतिहासिक क्षणाचे साक्षीदार झाले. यात महिला व लहान मुलांचा सहभाग मोठ्या प्रमाणात होता. या सोहळ्याच्या निमित्ताने भाजे गावातील वातावरण शिवमय झाले होते. छत्रपती शिवाजी महाराज की जय च्या घोषणांनी संपूर्ण आसमंत दुमदुमून गेला होता. या अनावरण सोहळ्यास तालुक्यातील लोकप्रतिनिधींसह अनेक मान्यवर उपस्थित होते. काही सांस्कृतिक कार्यक्रम व महाराजांचे पोवाडे या ठिकाणी सादर करण्यात आले. आकर्षक अशी फटाक्यांची आतषबाजी यावेळी करण्यात आली.
अधिक वाचा –
– ‘कुणी पैसे वाटले तर घ्या, मत मात्र महाविकास आघाडीलाच करा’, मावळचे उमेदवार संजोग वाघेरेंचा मतदारांना अजब गजब सल्ला । Maval Lok Sabha
– लहान मुलांच्या उन्हाळ्याच्या सुटीचे नियोजन पालकांनी कसे करावे? पाहा प्रसिद्ध बालसाहित्यकार डॉ. संगीता बर्वे यांची खास मुलाखत
– देशात पहिल्यांदाच सहकारी गृहनिर्माण संस्थांमध्ये मतदान केंद्रे! मूळ संकल्पना पुण्याची, शहरातील 35 गृहनिर्माण संस्थांमध्ये मतदान केंद्रे
