अखिल भारतीय मराठी नाट्य परिषद, तळेगाव शाखेच्या 19व्या वर्धापन दिनानिमित्त अभिनेत्री विशाखा सुभेदार आणि विनोदी अभिनेते पंढरी कांबळे यांना यंदाचा कला गौरव पुरस्कार जाहीर झाला आहे. अभिनेत्री अलका कुबल यांच्या हस्ते येत्या रविवारी (दि. 19 मे) पुरस्काराचे वितरण करण्यात येणार आहे, अशी माहिती नाट्य परिषदेच्या तळेगाव दाभाडे शाखेचे संस्थापक-अध्यक्ष सुरेश धोत्रे यांनी पत्रकार परिषदेत दिली. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
कै. गोळवलकर मैदान (गोल मैदान) यशवंतनगर, तळेगाव दाभाडे स्टेशन येथे सायंकाळी 6 वाजता हा कार्यक्रम आयोजित करण्यात आला आहे. नाट्य परिषदेचे सल्लागार चंद्रकांत भिडे यांना अमृत महोत्सवानिमित्त जीवनगौरव पुरस्कार, तर नाट्य परिषदेचे कोषाध्यक्ष नितीन शहा, ज्येष्ठ रंगकर्मी अभय लिमये यांना विशेष पुरस्कार प्रदान करण्यात येणार आहे, अशी माहितीही धोत्रे यांनी दिली. ( Akhil Bharatiya Marathi Natya Parishad Talegaon Branch Awarded Kala Gaurav Award to Actress Vishakha Subhedar )
याखेरीज, मधुमित निर्मित मधुसूदन ओझा प्रस्तुत रजनीगंधा या मराठी व हिंदी गीतांच्या मैफिलीचे आयोजन करण्यात आले आहे. आमदार सुनील शेळके, माजी राज्यमंत्री बाळा भेगडे, नाट्य परिषदेच्या मध्यवर्ती शाखेचे उपाध्यक्ष भाऊसाहेब भोईर, संत तुकाराम सहकारी साखर कारखान्याचे उपाध्यक्ष बापूसाहेब भेगडे, पुणे पीपल्स बँकेचे अध्यक्ष जनार्दन रणदिवे, ज्येष्ठ संचालक बबनराव भेगडे आदी मान्यवर प्रमुख पाहुणे म्हणून उपस्थित राहणार आहेत. मावळ तालुक्यातील नागरिकांनी मोठ्या संख्येने उपस्थित राहून कार्यक्रमांचा आस्वाद घ्यावा, असे आवाहन सुरेश धोत्रे यांनी यावेळी केले.
अधिक वाचा –
– शिलाटणे येथे वादळी वाऱ्यामुळे घरांचे पत्रे उडाल्याने नागरिकांची तारांबळ, कार्ल्यात चारचाकी वाहनाचे झाले नुकसान
– नायगावमधील युवकाचा कामशेत येथे इंद्रायणी नदीत बुडून मृत्यू, परिसरात पसरली शोककळा । Maval News
– पुणे जिल्ह्यातील 3 लोकसभा मतदारसंघात सोमवारी शांततेत मतदान ! वाचा विधानसभा निहाय मतदानाची आकडेवारी । Pune News
