Dainik Maval News : तळेगाव दाभाडे नगरपरिषदेच्या राज्य शासनाच्या संवर्ग अधिकारी व कर्मचारी यांनी राज्यस्तरीय विविध संघटनामार्फत जुनी पेन्शन योजना लागू करण्यासाठी दिनांक 29 ऑगस्टपासून बेमुदत संपाचा इशारा दिला आहे. या अधिकारी व कर्मचारी यांनी राज्यव्यापी बेमुदत संप आंदोलनात सहभागी होत असल्याबाबत मुख्याधिकारी डॉ. प्रविण निकम यांना निवेदन दिले. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिकारी आणि कर्मचाऱ्यांच्या मुलभूत समस्या व मागण्या यावर ठोस निर्णय न झाल्यास महाराष्ट्र राज्य नगरपरिषद, नगर पंचायत संवर्ग अधिकारी व कर्मचारी संघटनामार्फत 29 ऑगस्ट पासून राज्यव्यापी बेमुदत संप आंदोलन करणार असून याबाबतचे निवेदन कर्मचारी संघटनेच्या वतीने अध्यक्ष मुरलीधर टकले यांनी मुख्याधिकारी डॉ. प्रवीण निकम यांना देण्यात आले. यावेळी उपमुख्याधिकारी ममता राठोड, कर अधिकारी कल्याणी लाडे, कर निरीक्षक विजय शहाणे, शहर अभियंता मल्लिकार्जुन बनसोडे, भांडार प्रमुख सिद्धेश्वर महाजन, मिळकत विभाग प्रमुख जयंत मदने, विद्युत अभियंता श्रुती ठाकरे आदी अधिकारी-कर्मचारी उपस्थित होते. ( Old Pension Scheme Officers and employees of Talegaon Municipal Council will go on strike )
महाराष्ट्र शासनाच्या अंतर्गत नगरपरिषद, नगरपंचायती मधील सन 2005 नंतरच्या अधिकारी व कर्मचारी यांना अद्याप राष्ट्रीय निवृत्तीवेतन योजनेची अंमलबजावणी करण्यात आलेली नाही. तसेच, जुनी पेन्शन योजना बंद करण्यात आलेली आहे. त्यामुळे, दोन्ही कारणास्तव राज्य संवर्गातील जवळपास 3 हजार अधिकारी आणि स्थानिक आस्थापनेवील 60 हजार वर कर्मचारी वर्ग यांचेत कमालीचा असंतोष आहे. जुनी पेंशन योजना लागू करण्यासाठी संघटना व सदस्य आग्रही आहेत.
अधिक वाचा –
– आमदार सुनिल शेळके यांच्या हस्ते ‘पशुधन पुरस्कार 2024’ चे वितरण । Kamshet News
– जगभर दहशत निर्माण करणारा ‘मंकीपॉक्स’ आजार नक्की काय आहे? आजाराची लक्षणे कोणती, काळजी काय घ्यावी? जाणून घ्या
– रेशन दुकानदारांसाठी आनंदाची बातमी ! कमिशन मोबदला वाढवून देण्यास राज्य सरकार सकारात्मक
