Dainik Maval News : येणाऱ्या विधानसभा निवडणूकीच्या पार्श्वभूमीवर मावळ विधानसभा निवडणूकीच्या तयारीच्या दृष्टीने मतदारसंघातील महाविकासआघाडीच्या प्रमुख पदाधिकाऱ्यांची आढावा बैठक आयोजित करण्यात आली होती. श्रीक्षेत्र देहू येथे रविवारी (दि.15) ही बैठक संपन्न झाली. यावेळी मविआचे अनेक पदाधिकारी आणि कार्यकर्ते उपस्थित होते. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
या बैठकीत बुथ कमिट्या सक्षमीकरण करणे, आघाडीतील कोणत्याही पक्षातील उमेदवार असला तरीही त्याला विजयी करणे, असा निर्धार करण्यात आला. मावळ विधानसभा निवडणूक जिंकण्याच्या अनुषंगाने बैठकीत नियोजन करण्यात आले. वरीष्ठ नेते जो उमेदवार देतील, त्या उमेदवाराचे एकदिलाने कार्य करण्याचे आणि जिंकून आणण्यावर एकमत यावेळी झाले. उपस्थित अनेक मान्यवरांनी आपली मनोगते व्यक्त केली.
बैठकीला काँग्रेसचे ज्येष्ठ नेते चंद्रकांत सातकर, रामदास काकडे, काँग्रेसचे तालुकाध्यक्ष यशवंत मोहोळ, राष्ट्रवादी काँग्रेस शरदचंद्र पवार पक्षाचे तालुकाध्यक्ष दत्तात्रेय पडवळ, शिवसेना उद्धव बाळासाहेब ठाकरे पक्षाचे तालुका प्रमुख आशिष ठोंबरे यांसह शिवसेना, राष्ट्रवादी, काँग्रेस पक्षातील आदी पदाधिकारी, मान्यवर उपस्थित, कार्यकर्ते मोठ्या संख्येने उपस्थित होते.
अधिक वाचा –
– आमदार सुनिल शेळके यांनी घेतले दगडूशेठ गणपती आणि लालबागचा राजाचे दर्शन । MLA Sunil Shelke
– वडगाव मावळ येथील प्रसिद्ध व्याख्याते विवेक गुरव यांना राज्यस्तरीय संवादरत्न पुरस्कार । Vadgaon Maval
– आवाहन ! अवजड वाहन चालकांनी मुंबई – पुणे महामार्गावरुन प्रवास टाळावा, वाचा काय आहे सुचना
