Dainik Maval News : कान्हे येथील श्री मोरया मित्र मंडळ सार्वजनिक नवरात्रोत्सव मंडळ व संजनाताई गुलाबराव सातकर यांच्या वतीने आयोजित, होम मिनिस्टर कार्यक्रमास मावळ भाजप विधानसभा निवडणूक प्रमुख रविंद्र भेगडे यांनी उपस्थित राहत सहभागी महिला स्पर्धकांचा उत्साह वाढविला.
दरवर्षी विविध सामाजिक उपक्रमांनी कान्हे येथील श्री मोरया मित्र मंडळ सार्वजनिक नवरात्रोत्सव मंडळ शारदीय नवरात्र साजरी करत असते. महिलांच्या दैनंदिन कामांतून विरंगुळा मिळावा या उद्देशाने या होम मिनिस्टर कार्यक्रमाचे आयोजन करण्यात आले होते.
याप्रसंगी, भावना व्यक्त करताना रविंद्र भेगडे म्हणाले, “नवरात्र हा हिंदू धर्माचा एक महत्त्वाचा सण आहे, त्यामागे एक पौराणिक कथा आहे, ज्यामध्ये “महिषासुर” या राक्षसाला भगवान ब्रह्मदेवाने वरदान दिले होते की तो कोणत्याही मनुष्य किंवा देवाकडून मारला जाणार नाही. या वरदानानंतर या राक्षसाने खूप संहार केला. त्यामुळे माता दुर्गेचे युद्ध झाले आणि हे युद्ध दहा दिवस चालले आणि दहाव्या दिवशी मातेने त्या राक्षसाचा वध केला ज्याला विजयादशमी म्हणतात. मावळ विधानसभेत देखील गुंडगिरी , दडपशाही , एकाधिकारशाही या महिषासुर प्रवृत्तींनी उच्छाद मांडला आहे. त्याचा बिमोड करण्याची ताकद तुमच्या मधील माँ दुर्गे मध्ये आहे. आपल्याला भयमुक्त मावळासाठी यंदा परिवर्तनाचा कौल आई जगदंबेकडे मागायचा आहे.”
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– विश्वहिंदू परिषद आणि बजरंग दल यांच्या माध्यमातून मावळ तालुक्यातील 40 गावांमध्ये दुर्गामाता दौड । Maval News
– शिरगाव येथे अवैध दारूअड्ड्यावर कारवाई, महिला आरोपीवर गुन्हा दाखल । Maval Crime
– वंदन दुर्गांना । पतीच्या निधनानं ती कोसळली, मात्र संगीताने जगण्याचं बळ दिलं ; गायन हाच श्वास समजून आयुष्य जगणाऱ्या मंजुश्रीताई
