Dainik Maval News : विधानसभा निवडणुकीत तिकीट न मिळाल्याने नाराज झालेल्या पदाधिकाऱ्यांनी पक्षाविरोधात बंडखोरी करीत आपला उमेदवारी अर्ज दाखल केला. राज्यात महायुती विरुद्ध महाविकास आघाडी असा सामना होत असल्याने मोठ्या प्रमाणात बंडखोरी दिसून आली. त्यात सत्ताधारी असल्याने महायुतीमधील तिन्ही प्रमुख पक्षात बंडखोरांची संख्या जास्त आहे. त्यामुळे बंडखोरांवर कारवाई करण्याचा इशारा राष्ट्रवादी, शिवसेना आणि भाजपा या तिन्ही पक्षांकडून देण्यात आला होता.
त्यानुसार आता कारवाईला सुरुवात झाली आहे. राष्ट्रवादी काँग्रेस पक्ष आणि महायुतीतील घटक पक्षाच्या उमेदवारांच्या विरोधात उमेदवारी अर्ज दाखल करुन पक्षविरोधी भूमिका घेतली. याशिवाय महायुती सरकारची प्रतिमा मलिन करत जाणीवपूर्वक पक्षशिस्तभंग केल्याने आठ पदाधिकाऱ्यांवर निलंबनाची कारवाई प्रदेशाध्यक्ष खासदार सुनील तटकरे यांनी केली आहे. त्यामध्ये मावळ मतदारसंघात बंडखोरी केलेल्या बापू भेगडे यांच्यावरही कारवाई करण्यात आली आहे.
विधानसभा निवडणुकीत पक्षाच्या विरोधात भूमिका घेत कामकाज केले. तसेच पक्षविरोधी भूमिका घेतल्यामुळे उमेदवारी अर्ज भरलेल्या 8 नेत्यांची अजित पवारांच्या पक्षातून हकालपट्टी करण्यात आली आहे. निलंबित केलेल्या नेत्यांमध्ये पक्षाचे प्रदेश उपाध्यक्ष बापू भेगडे, अकोला जिल्हाध्यक्ष कृष्णा अंधारे, नांदेड उत्तरचे जिल्हाध्यक्ष विश्वंभर पवार, नांदेडच्या महिला आघाडी जिल्हाध्यक्ष पुजा व्यवहारे, धुळ्याचे ज्ञानेश्वर भामरे, दहिसरच्या ममता शर्मा, भंडारा जिल्ह्यातील तुमसरचे धनेंद्र तुरकर आणि नांदेडचे युवक राष्ट्रवादीचे प्रदेश सचिव आनंद सिंधीकर यांचा समावेश आहे.
राष्ट्रवादी काँग्रेस पार्टीने राज्याच्या सर्वांगीण विकासाचा विचार करून महायुतीच्या प्रमुख नेत्यांशी चर्चेच्या माध्यमातून विधानसभा निवडणुकीसाठी सर्व मतदारसंघातील तिकीट वाटप केले आहे. तथापि, काही पदाधिकाऱ्यांनी घटक पक्षांच्या उमेदवारांविरोधात नामांकन भरत पक्षविरोधी भूमिका घेतली… pic.twitter.com/lsmIyCWcO4
— MahaNCPspeaks (@mahancpspeaks) November 8, 2024
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– मोठी कारवाई ! मुंबई-पुणे महामार्गावरील सोमाटणे टोलनाक्यावर एकाच दिवशी दोन मोटारीतून लाखोंची रोकड जप्त । Maval Crime
– नाणोली इंदोरी परिसरात बिबट्याची दहशत ; वन्यप्राण्याच्या हल्ल्यात गरीब मेंढपाळाच्या दोन शेळ्या ठार । Maval News
– मावळ विधानसभा मतदारसंघात मतदान यंत्रांची द्वितीय सरमिसळ प्रक्रिया पूर्ण । Maval Vidhan Sabha
