Dainik Maval News : श्री विठ्ठल परिवार मावळ यांच्या माध्यमातून कामशेत येथे सुरु असलेल्या कीर्तन महोत्सवाचा आज (दि.5) अखेरचा दिवस आहे. गेली चार दिवस सुरु असलेल्या या भक्तिमय सोहळ्याला मावळच्या कानाकोपऱ्यातून वारकरी भाविक उपस्थित राहत आहेत. आज रविवारी, कीर्तन क्षेत्रातील दिग्गज कीर्तनकार श्री निवृत्ती महाराज देशमुख (इंदुरीकर) यांची कीर्तनसेवा होणार आहे. त्यामुळे आज गर्दीचा उच्चांक मोडला जाइल, अशी शक्यता वर्तवली जात आहे.
आमदार सुनील शेळके यांच्या पुढाकारातून आणि श्री विठ्ठल परिवार मावळ यांच्या माध्यमातून गेली सात वर्षे अखंडपणे हा कीर्तन महोत्सव सोहळा कामशेत येथे पार पडत आहे. राज्यभरातील नामवंत कीर्तनकार आपली कीर्तनसेवा येथे करीत आहे. यावेळी मावळ तालुक्यातील कानाकोपऱ्यातील भाविक, वारकरी नागरीक कीर्तन श्रवणासाठी कामशेत नगरीत उपस्थित राहत आहे. अनेक मान्यवरांच्या उपस्थितीमुळे ह्या कीर्तन महोत्सवाची शान आणखीन वाढत असून महाराष्ट्रातील सर्वात मोठा कीर्तन महोत्सव म्हणून या सोहळ्याकडे आता पाहिले जात आहे. ( MLA Sunil Shelke Kirtan Festival Maval Taluka Kamshet )
इंदुरीकर महाराज यांचे काल्याचे कीर्तन
पाच दिवसांच्या या कीर्तन महोत्सवाचा रविवारी (दि. ५ जानेवारी) शेवटचा दिवस आहे. प्रसिद्ध कीर्तनकार ह.भ.प. निवृत्ती महाराज देशमुख (इंदोरीकर) यांच्या काल्याच्या कीर्तनाने या सोहळ्याची सांगता होणार आहे. श्री विठ्ठल परिवार मावळ आयोजित कीर्तन महोत्सव २०२५ च्या काल्याचे कीर्तन रविवार (दि. ५ जानेवारी २०२५) रोजी श्री विठ्ठल परिवार मावळ सप्ताह मैदान, कामशेत येथे होणार असल्याचे आयोजतांनी सांगितले आहे. ( Kirtan by Kirtankar Nivritti Maharaj Deshmukh Indurikar )
हरी नामाच्या गरजात मावळकर रंगले…
गेली चार दिवस राम कृष्ण हरीचा गजर आणि विठ्ठल नामाचा जयघोष मावळ तालुक्यातील कामशेत शहरात दुमत आहे. हजारोंच्या संख्येने वारकरी भाविक या सोहळ्यासाठी उपस्थित राहत असून संपूर्ण मावळवासीय हरी नामाच्या नामघोषात रंगून गेले आहे. संतश्रेष्ठ तुकाराम महाराजांसह विविध संताच्या अभंग ओव्यांच्या निरूपणाने मावळवासीयांचे कान तृप्त होत आहेत. भव्य व्यासपीठावरील श्री विठ्ठल रखुमाई यांच्या मूर्ती समोर आपोआपच हात जोडले जात आहे. तर संत ज्ञानेश्वर माऊली व संत तुकाराम महाराज यांच्या मूर्ती डोळ्याचे पारणे फेडीत आहे. हिंदवी स्वराज्याचे संस्थापक छत्रपती शिवाजी महाराज यांचा पुतळा अत्यंत दिमाखात आहे. संत चरित्रातील देखावे लक्ष वेधून घेत आहेत. कीर्तन महोत्सवाने मावळकरांच्या नवीन वर्षाची सुरुवात भक्तीमय व प्रसन्न वातावरणात झाली आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– मावळवासियांना दिलासा द्यावा… वडगाव मावळ येथे कायमस्वरूपी उपविभागीय कार्यालय सुरू करण्याची मागणी
– आकारी पड जमिनी मूळ खातेदारांना परत केल्या जाणार, महाराष्ट्र सरकारचा मोठा निर्णय, वाचा सविस्तर
– पुणे जिल्हाधिकारी डॉ. सुहास दिवसे यांची बदली, जितेंद्र डूडी नवे जिल्हाधिकारी म्हणून रुजू ; कोण आहेत जितेंद्र डूडी? जाणून घ्या
