Dainik Maval News : सुदवडी ग्रामपंचायतीच्या उपसरपंचपदी गुलाब दत्तात्रय कराळे (पाटील) यांची बिनविरोध निवड झाली आहे. मावळत्या उपसरपंच वैशाली नितीन शिंदे यांनी ठरल्याप्रमाणे आपल्या पदाचा राजीनामा सादर केल्याने रिक्त झालेल्या पदासाठी निवडणूक घेण्यात आली. यावेळी उपसरपंचपदी गुलाब कराळे यांची अविरोध निवड झाली.
बुधवारी (दि.5) सुदवडी ग्रामपंचायत सभागृहात निवड प्रक्रिया पार पडली. या सभेच्या अध्यक्षस्थानी सरपंच सुमित शिवाजी कराळे – पाटील हे होते. उपसरपंच पदांसाठी एकमेव अर्ज आल्याने सदर निवडणूक बिनविरोध झाल्याचे निवडणुक अधिकारी संगीता जाधव यांनी जाहीर केले.
याप्रसंगी माजी उपसरपंच वैभव गाडे, वैशाली शिंदे, ग्रामपंचायत सदस्य सायली कराळे, प्रीती शिंदे, प्रतीक्षा वाळुंजकर, माजी उपसरपंच रमेश कराळे, बाबाजी खेडेकर, भाऊसाहेब कराळे, अवतार शिंदे, किसन कराळे, भानुदास कराळे, राजु कराळे उपस्थित होते.
- निवडीनंतर बोलताना गुलाब कराळे यांनी गावातील अनेक दिवसांपासून प्रलंबित असलेल्या घनकचरा व्यवस्थापन प्रकल्प, जलजीवन मिशन, सार्वजनिक शौचालय, महिलांच्या सुरक्षेसाठी सर्वत्र सीसीटीव्ही बसवणे, पाणी पुरवठा, कचरा हे प्रश्न सोडण्यासाठी आगामी काळात प्रयत्न करणार असल्याचे सांगितले.
सायंकाळी नवनिर्वाचित उपसरपंचांची भव्य मिरवणूक काढून जल्लोष करण्यात आला. तसेच संदिप काशीद पाटील, दिलीप ढोरे, प्रशांत भागवत, बाजीराव गाडे, बापू दरेकर, मंगलताई गाडे, नितीन ताठे, ज्ञानेश्वर कराळे, बाळासाहेब कराळे, शांताराम दरेकर आदींच्या हस्ते नवनिर्वाचित उपसरपंच यांचा सत्कार करण्यात आला.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– शेतकऱ्यांच्या हिताच्या दृष्टीने तुकडा बंदी कायद्यामध्ये सुधारणा करणे आवश्यक ; प्रस्ताव सादर करण्याचे महसूल मंत्र्यांचे निर्देश
– शेतात जाणारे रस्ते बंद करणाऱ्यांवर फौजदारी गुन्हे दाखल होणार, महसूल मंत्र्यांचा निर्णय
– पुणे ग्रामीण जिल्ह्यात 21 फेब्रुवारीपर्यंत प्रतिबंधात्मक आदेश लागू । Pune News
