Dainik Maval News : संत तुकाराम महाराज यांचे दहावे वंशज, जयसिंग महाराज विश्वनाथ मोरे इनामदार (वय 75) यांचे बुधवारी (दि.2) सकाळी नऊच्या सुमारास अल्पशा आजाराने निधन झाले. त्यांच्या मागे भाऊ, पत्नी, दोन मुलगे, एक मुलगी असा परिवार आहे. संत तुकाराम महाराज संस्थानचे नवनिर्वाचित अध्यक्ष जालिंदर महाराज मोरे यांचे ते थोरले बंधू होत.
गेल्या काही दिवसांपासून जयसिंग महाराज मोरे यांच्यावर खासगी रुग्णालयात उपचार सुरू होते. बुधवारी सकाळी त्यांची प्राणज्योत मावळली. त्यांच्यावर वैकुंठ स्मशानभूमीत अंत्यसंस्कार करण्यात आले. यावेळी विविध संस्थानचे पदाधिकारी, अनेक क्षेत्रातील मान्यवर उपस्थित होते.
संत तुकाराम महाराज यांच्यासह वारकरी संप्रदायावर वादग्रस्त साहित्य प्रसिद्ध करणाऱ्यांना जयसिंग महाराज यांनी प्रखर विरोध केला होता. प्रसंगी त्यांनी न्यायालयीन लढाईही लढली. संत ज्ञानेश्वर महाराज, संत तुकाराम महाराज पालखी सोहळ्यातील अनेक प्रश्न, समस्या सोडविण्यासाठी त्यांनी कायम आग्रह धरला. त्यांच्या निधनाबद्दल सर्वच क्षेत्रातून शोक व्यक्त होत आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– साखर कारखान्याच्या माध्यमातून तालुक्याचा विकास व्हावा ; शेतकऱ्यांच्या उसाला चांगला दर मिळावा – आमदार सुनिल शेळके
– मावळ तालुक्यातील इंदुरी येथील भुईकोट किल्ल्यावर 61 फुटी भगव्या ध्वजाचे लोकार्पण । Maval News
– मोठी बातमी : श्री संत तुकाराम महाराज संस्थानच्या अध्यक्षपदी जालिंदर मोरे यांची निवड ; चुरशीची लढतीत 63 मतांनी विजयी । Dehu News
