Dainik Maval News : मावळ तालुक्यात पावसाचा जोर वाढला आहे. यातही ग्रामीण भागात अतिमुसळधार पाऊस कोसळत आहे. डोंगर दऱ्यांचा प्रदेश असलेला मावळ तालुका सध्या मान्सूच्या तडाख्यात असून मुसळधार पावसाने ओढे, नाले, नद्या दुथडी भरून वाहू लागलेत. सोबत तालुक्यातील धरणांमधील पाणीपातळी देखील वाढताना दिसत आहे.
पवन मावळ विभागातील प्रमुख पवना धरण परिसरात मागील दोन दिवसांपासून पावसाचा जोर कायम आहे. गुरुवारी सकाळी घेतलेल्या नोंदीनुसार धरण परिसरात चोवीस तासात तब्बल 87 मि.मी. इतका पाऊस झाला आहे. सोबत धरणाच्या बॅकवॉटर भागात पावसाचा जोर सर्वाधिक आहे. सततच्या पावसामुळे धरणाच्या पाणीपातळीत कमालीची वाढ झाली आहे.
जूनच्या पहिल्या आठवड्यात पाऊस ओसरल्यानंतर 29-30 टक्क्यांवरील धरणाचा पाणीसाठा पुन्हा 26 पर्यंत खालावला होता. परंतु चालू आठवड्यात झालेल्या दमदार पावसाने पवना धरणातील पामीपातळी वाढली आहे. सद्यस्थिती पवना धरणात 35.63 टक्के इतका पाणीसाठा असल्याची माहिती धरण विभागाचे रजनीस बारिया यांनी दिली. पावसाचा जोर असाच राहिल्यास धरणातील पाणीसाठा आणखीन वाढेल, असेही त्यांनी सांगितले.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– कुंडमळा ठिकाणी दर्शक गॅलरी असणारा पूल उभारणार, अतिरिक्त निधी देणार – उपमुख्यमंत्री अजित पवार यांचे आश्वासन
– जिल्ह्यातील सर्व पुल, साकव, रस्ते, इमारती, वाडे, जाहिरात फलकांची ७ दिवसात बांधकाम तपासणी करा – जिल्हाधिकारी जितेंद्र डुडी
– वडगाव नगरपंचायतीकडून शहराचा प्रारूप विकास आराखडा (डीपी) प्रसिद्ध । Vadgaon Maval Nagar Panchayat
