Dainik Maval News : तळेगाव दाभाडे नगरपरिषदेमार्फत शहरातील नागरिकांना विविध नागरी सुविधा नियमितपणे पुरविल्या जात असतात. याबाबत तक्रारीची प्रभावी व्यवस्था होण्यासाठी व्हॉट्सॲप क्रमांक 9890616089 आणि फोन क्रमांक 18002332734 वर संपर्क साधावा असे मुख्याधिकारी विजयकुमार सरनाईक यांनी पत्रकाद्वारे प्रसिद्ध केले आहे.
यामध्ये शहरातील स्वच्छता, कचरा संकलन, उद्यान व्यवस्थापन, विद्युत, पथदिव्यांची देखभाल, सामान्य प्रशासन, लेखा विभाग, दिव्यांग कल्याण, नगर रचना विभाग,पाणीपुरवठा आदी विभागाच्या तक्रारी नोंदविण्यासाठी नागरिकांना प्रत्यक्ष कार्यालयात यावे लागते. त्यामुळे नागरिकांची गैरसोय होते. तसेच या संदर्भातील तक्रारी विविध माध्यमातून प्राप्त होत असल्याने त्याची नोंदणी आणि निवारण प्रक्रियेत सुसंगता राहत नाही.
याशिवाय दूरध्वनीवर तक्रार नोंदविण्याचा प्रयत्न केला असता व्यस्ततेमुळे प्रतिसाद मिळणे कठीण जाते. यासाठी नागरिक, लोकप्रतिनिधी, सामाजिक संस्थांनी वरील सुविधांचा वापर करून तक्रारी नोंदवाव्यात असे आवाहन मुख्याधिकारी सरनाईक यांनी केले आहे. तसेच आवश्यकता भासल्यास तात्काळ संपर्क करावा, असे पत्रकात नमूद केले आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– किल्ले लोहगडाकडे जाणारा रस्ता अरूंद आणि धोकादायक ! तातडीने रुंदीकरण, डागडुजी करण्याची मागणी । Lohgad Fort
– मोठी बातमी ! लोणावळासह मावळ परिसरात येणाऱ्या पर्यटकांच्या सुरक्षिततेसाठी प्रतिबंधात्मक आदेश लागू, वाचा नियमावली
– शेतजमिनीची प्रकरणे मार्गी लावण्याकरीता लवकरच लोकअदालतीचे आयोजन ; काय आहे संकल्पना, वाचा सविस्तर
