Dainik Maval News : वडगाव नगरपंचायत सार्वत्रिक निवडणूक 2025 मध्ये राष्ट्रवादी काँग्रेस पार्टी पक्षाकडून 16 उमेदवार आणि नगराध्यक्ष पदाचा उमेदवार रिंगणात आहे. रविवारी आमदार सुनील शेळके यांच्या उपस्थितीत या सर्व उमेदवारांच्या प्रचाराचा नारळ फोडण्यात आला. या निमित्त पंचमुखी मारुती मंदिर ते पंचायत समिती पर्यंत मोठी रॅली काढून जोरदार शक्तिप्रदर्शन करण्यात आले.
श्री पोटोबा महाराज मंदिरात सर्व उमेदवार आणि पक्षाचे प्रतिनिधी आणि असंख्य कार्यकर्ते यांच्या उपस्थितीत प्रचाराचा नारळ फोडण्यात आला. यानंतर रॅलीचे सभेत रूपांतर होऊन त्या ठिकाणी मान्यवरांची मनोगते झाली. यामध्ये आमदार सुनील शेळके यांनी केलेले भाषण सर्वाधिक चर्चेत राहिले. विरोधकांवरती जोरदार प्रहार करतच आमदार सुनील शेळके यांनी वडगावकर नागरिकांना विकासाचा शब्द दिला. तीन वर्षात सर्वांच्या अडचणी प्रश्न सोडवण्याचे आश्वासन दिले. तदनंतर सभेत चे रूपांतर पुन्हा रॅलीत होऊन पंचायत समिती चौकात रॅलीची समाप्ती झाली.
वडगाव नगरपंचायत सार्वत्रिक निवडणुकांच्या पार्श्वभूमीवर राष्ट्रवादी काँग्रेस पक्षाच्या सर्व अधिकृत उमेदवारांच्या प्रचारानिमित्त रविवारी वडगाव मावळ परिसरात भव्य आणि उत्साहपूर्ण प्रचार दौरा आयोजित करण्यात आला. पक्षाचे नेते, पदाधिकारी आणि असंख्य कार्यकर्त्यांच्या साथीने पार पडलेल्या या दौऱ्याला वडगाव येथील नागरिकांचा अभूतपूर्व उत्साह आणि उत्स्फूर्त प्रतिसाद लाभला.
नागरिकांनी मोठ्या संख्येने उपस्थित राहून पक्षावर आणि उमेदवारांवर असलेला आपला अढळ विश्वास व्यक्त केला. दौऱ्यादरम्यान आमदार सुनील शेळके यांनी नागरिकांशी थेट संवाद साधला. त्यांच्या अडचणी आणि अपेक्षा जाणून घेतल्या.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा –
– वडगावमध्ये सतरापैकी नऊ वॉर्डात दुरंगी लढत ! नगराध्यक्षपदासाठी 4 महिला रिंगणात ; आठ वॉर्डात अपक्षांमुळे बहुरंगी लढत
– लोणावळ्यात दोन्ही ‘राष्ट्रवादी’ एकत्र ; शरद पवारांच्या पक्षाचा अजित पवारांच्या पक्षाला पाठिंबा, आमदार सुनील शेळके यांना मोठे यश
– तळेगावमध्ये 19 उमेदवार बिनविरोध नगरसेवक! नगराध्यक्षपदासाठी 3 तर नगरसेवक पदाच्या नऊ जागांसाठी 23 जण रिंगणात । Talegaon Dabhade
