Dainik Maval News : वडगाव नगरपंचायत सार्वत्रिक निवडणूक 2025 मध्ये वार्ड क्रमांक 10 मधून राष्ट्रवादी काँग्रेस पार्टी पक्षाच्या नगरसेवक पदासाठीच्या अधिकृत उमेदवार असलेल्या आकांक्षा बंटी उर्फ योगेश वाघवले यांच्याकडून सोमवारी (दि. 24) प्रभागामध्ये जोरदार प्रचार करण्यात आला. त्यांच्या प्रचार रॅलीत महिला भगिनींची संख्या मोठ्या प्रमाणात होती.
आमदार सुनील शेळके यांनी रविवारी ( दि. 23 ) प्रचाराचा शुभारंभ केल्यानंतर सोमवारी आकांक्षा वाघवले यांच्याकडूनही प्रभागामध्ये प्रचार सुरू करण्यात आला. यावेळी त्यांच्यासोबत राष्ट्रवादीच्या नगराध्यक्ष पदाच्या उमेदवार अबोली मयूर ढोरे याही उपस्थित होत्या. नगराध्यक्ष पदाच्या उमेदवार आणि नगरसेवक पदाच्या उमेदवार एकाच वेळी प्रभागामध्ये आल्यामुळे नागरिकांचा देखील उत्स्फूर्त प्रतिसाद पाहायला मिळाला.
वॉर्डातील नागरिकांच्या घरोघरी जात त्यांच्या भेटीगाठी घेत उमेदवारांकडून त्यांच्या अडीअडचणी समजून घेण्यात आल्या. तसेच प्रभागाबद्दलचे असलेले विकासाचे स्वप्न त्यांच्यापुढे मांडण्यात आले. त्यामुळे एक विश्वास मतदारांमध्ये निर्माण झाला. वडगाव नगरपंचायतीचा वार्ड क्रमांक 10 हा बाजारपेठ व गाव अशा भागामध्ये असल्यामुळे याठिकाणी मोठ्या प्रमाणात नागरी वस्ती आहे. त्यामुळे प्रत्येक घराघरात पोहोचण्याचा प्रयत्न आकांक्षा वाघवले करीत आहेत.
यावेळी प्रत्येक घरामध्ये नागरिकांकडून उमेदवारांचे उत्साहात स्वागत करण्यात आले. महिला भगिनींकडून त्यांचे औक्षण करण्यात आले. यावेळी प्रभागात असणाऱ्या लहान मोठ्या सर्व समस्यांची सोडवणूक करण्यासाठीचे व्हिजन आकांक्षा वाघवले यांनी नागरिकांसमोर मांडले. त्यासोबत अबोली ढोरे यांनी देखील प्रभागाचा विकास नियोजनबद्धरित्या करण्यासाठीचा विश्वास व्यक्त केला.
वार्ड क्रमांक 10 मध्ये असणारी कचऱ्याची समस्या, सार्वजनिक शौचालयाची समस्या, वाहतूक कोंडीची समस्या सोडविण्यासाठी सुयोग्य नियोजन करण्यात आले असून निवडणुकीनंतर त्याची प्रत्यक्ष अंमलबजावणी करणार असल्याचे, आकांक्षा वाघवले व अबोली ढोरे यांच्याकडून सांगण्यात आले. यावेळी उपस्थित महिला भगिनींनी वार्ड क्रमांक 10 मधून आकांक्षा वाघवले आणि नगराध्यक्ष पदाच्या उमेदवार विक्रमी मतांनी निवडून येतील, असा विश्वास दैनिक मावळ सोबत बोलताना व्यक्त केला. यावेळी राष्ट्रवादी काँग्रेस पार्टी पक्षाचे अनेक मान्यवर, युवा सहकारी, महिला भगिनी, नागरिक मोठ्या संख्येने उपस्थित होते.
( दैनिक मावळचा व्हॉट्सअ‍ॅप चॅनेल जॉइन करण्यासाठी इथे क्लिक करा )
अधिक वाचा –
– वडगावमध्ये सतरापैकी नऊ वॉर्डात दुरंगी लढत ! नगराध्यक्षपदासाठी 4 महिला रिंगणात ; आठ वॉर्डात अपक्षांमुळे बहुरंगी लढत
– लोणावळ्यात दोन्ही ‘राष्ट्रवादी’ एकत्र ; शरद पवारांच्या पक्षाचा अजित पवारांच्या पक्षाला पाठिंबा, आमदार सुनील शेळके यांना मोठे यश
– तळेगावमध्ये 19 उमेदवार बिनविरोध नगरसेवक! नगराध्यक्षपदासाठी 3 तर नगरसेवक पदाच्या नऊ जागांसाठी 23 जण रिंगणात । Talegaon Dabhade
