Dainik Maval News : वडगाव नगरपंचायत सार्वत्रिक निवडणूक 2025 मध्ये राष्ट्रवादी काँग्रेस पार्टी पक्षाकडून नगराध्यक्ष पदाच्या उमेदवार असलेल्या अबोली मयूर ढोरे यांनी प्रचारात आघाडी घेतल्याचे चित्र दिसत आहे. तसे पाहता निवडणूक सुरू होण्यापूर्वीच निवडणूक लढविण्याच्या तयारीत असलेल्या अबोली ढोरे यांना जेव्हा प्रत्यक्षात राष्ट्रवादी काँग्रेस पार्टी कडून अधिकृत उमेदवारी मिळाली, त्यानंतर मात्र त्यांनी प्रचाराचा जोर आणखीच वाढवला आहे.
सध्या वडगाव शहरातील प्रत्येक वॉर्डात अबोली ढोरे या मतदारांच्या भेटीगाठी घेत आहेत. राष्ट्रवादी काँग्रेस पार्टी पक्षाचे वडगाव शहरात एकूण 16 उमेदवार आहेत. या सर्व उमेदवारांसोबत अबोली ढोरे या देखील त्या त्या प्रभागांमध्ये जात आहेत. प्रभागनिहाय मतदारांच्या गाठीभेटी घेत आहेत. यामुळे प्रचारामध्ये अबोली ढोरे यांनी आघाडी घेतल्याचे दिसत आहे.
वडगाव नगरपंचायतीचे माजी नगराध्यक्ष मयूर ढोरे यांनी केलेल्या विकासकामांचे आणि राहिलेल्या विकासकामांचे स्वप्न पूर्ण करण्यासाठी आपण निवडणुकीत उतरत असल्याचे अबोली ढोरे यांनी दैनिक मावळ सोबत बोलताना सांगितले. आमदार सुनील शेळके यांच्या मार्गदर्शनाखाली आपण ह्या निवडणुकीला सामोरे जात असून आजवर केलेल्या विकासकामांच्या जोरावर नागरिकांकडे आशीर्वाद मागत असल्याची भूमिका ढोरे यांनी मांडली.
गुरुवारी प्रभाग क्रमांक 14 मध्ये अबोली ढोरे यांनी काढलेल्या प्रचार दौऱ्याला नागरिकांचा उत्स्फूर्त प्रतिसाद मिळाला. यावेळी त्यांच्यासोबत प्रभाग क्रमांक 14 च्या राष्ट्रवादी काँग्रेस पार्टी पक्षाच्या अधिकृत उमेदवार असलेल्या वैशाली गौतम सोनवणे या देखील होत्या. या वॉर्डमध्ये असलेल्या स्थानिकांच्या समस्या सोडविण्यासाठीचे आश्वासक धोरण ढोरे आणि सोनावणे यांनी नागरिकांपुढेच ठेवले, यामुळे नागरिकांचाही उमेदवारांना सकारात्मक पाठिंबा मिळत आहे.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा –
– वडगावमध्ये सतरापैकी नऊ वॉर्डात दुरंगी लढत ! नगराध्यक्षपदासाठी 4 महिला रिंगणात ; आठ वॉर्डात अपक्षांमुळे बहुरंगी लढत
– लोणावळ्यात दोन्ही ‘राष्ट्रवादी’ एकत्र ; शरद पवारांच्या पक्षाचा अजित पवारांच्या पक्षाला पाठिंबा, आमदार सुनील शेळके यांना मोठे यश
– तळेगावमध्ये 19 उमेदवार बिनविरोध नगरसेवक! नगराध्यक्षपदासाठी 3 तर नगरसेवक पदाच्या नऊ जागांसाठी 23 जण रिंगणात । Talegaon Dabhade
