पवनानगर (प्रतिनिधी – रवि ठाकर) : महाराष्ट्र राज्य माध्यमिक शालांत प्रमाणपत्र परीक्षा २०२६ चा निकाल जाहीर झाला असून येथील पवना विद्या मंदिर पवनानगर या शाळेने १०० टक्के निकालाची परंपरा कायम ठेवली आहे. यामध्ये कु. अबोली संजय निंबळे ९६ टक्के गुण मिळवून विद्यालयात व केंद्रात प्रथम येणाचा माण मिळविला.
तर, कु. भक्ती संपत निंबळे हीने ९१.८० टक्के गुण मिळवून द्वितीय क्रमांक आणि कु. सिदरह शहाबुद्दीन शेख ९१.४० टक्के तृतीय पटकाविला आहे. कु. श्रुती उमेश मोहोळ ८९.८० टक्के चतुर्थ क्रमांक, कु. स्वस्ति दत्तात्रय सुतार ८८.८० गुण मिळवत पंचम क्रमांक मिळविला.
पवना विद्या मंदिर पवनानगर ही शाळा परिसरातील ४० गावे वस्तीसाठी बाजारपेठेतील मुख्य केंद्र शाळा म्हणून ओळखली जाते. ग्रामीण भागात ज्यादा तासांची कोणतीही सुविधा नसताना शिक्षकांनी दिलेल्या ज्ञानाच्या आधारे व स्वतः कष्ट व कठोर परिश्रम घेऊन यश संपादन केले आहे.
संकुलाचे प्राचार्य भाऊसाहेब आगळमे पर्यवेक्षिका शितल शेटे यांच्या यशस्वी नियोजनामुळे शाळेतील यशस्वी विद्यार्थी व शिक्षकांचे परिसरातून कौतुक केले जात आहे.
यावेळी नूतन महाराष्ट्र विद्या प्रसारक मंडळ संस्थेचे अध्यक्ष माजी राज्यमंत्री संजय (बाळा) भेगडे, संस्थेचे सचिव व पवना शिक्षण संकुलाचे शालेय समितीचे अध्यक्ष संतोष खांडगे, पवना शिक्षण संकुलाचे पालक सदस्य महेशभाई शहा, संस्थेचे उपाध्यक्ष नंदकुमार शेलार, सहसचिव विनायक अभ्यंकर, खजिनदार राजेश म्हस्के, सर्व संस्था पदाधिकारी यांनी सर्व यशस्वी विद्यार्थी तसेच संकुलाचे प्राचार्य, पर्यवेक्षिका, वर्गाध्यापक व तसेच सर्व शिक्षक शिक्षकेतर कर्मचारी यांचे विशेष अभिनंदन केले.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– तळेगाव दाभाडे येथील कै. ॲड. कु. शलाका संतोष खांडगे विधी महाविद्यालयातील विद्यार्थ्यांचा दिल्ली येथे शैक्षणिक दौरा
– सांडपाणी नदीत सोडणाऱ्या सोसायट्यांवर गुन्हे दाखल करा ; खासदार श्रीरंग बारणे यांची PMRDA प्रशासनाला सूचना
– इयत्ता बारावी बोर्डाच्या पुरवणी परीक्षांसाठी १५ मे पर्यंत ऑनलाईन फॉर्म भरण्याचे आवाहन ; ‘लेट फी’सह ‘या’ तारखेपर्यंत फॉर्म भरता येणार
– विद्यार्थ्यांना इस्रोसह अमेरिकेतील नासा केंद्राला भेटीची मिळणार संधी ; ‘मुख्यमंत्री विद्यार्थी विज्ञान वारी’ उपक्रमाला शासनाची मान्यता
