Dainik Maval News : नूतन महाराष्ट्र विद्या प्रसारक मंडळाचे कै. अॅड. कु. शलाका संतोष खांडगे विधी महाविद्यालय, तळेगाव दाभाडे यांच्या वतीने एलएल.बी. विद्यार्थ्यांसाठी दिल्ली येथे शैक्षणिक अभ्यास दौऱ्याचे यशस्वी आयोजन करण्यात आले. या दौऱ्यामध्ये विद्यार्थ्यांनी देशातील प्रमुख घटनात्मक संस्थांना भेट देत प्रत्यक्ष अनुभवाधारित शिक्षण घेतले.
या अभ्यास दौऱ्यात विद्यार्थ्यांनी पर्लिमेंट ऑफ इंडिया, राष्ट्र्पती भवन, सुप्रीम कोर्ट ऑफ इंडिया तसेच बार कौन्सिल ऑफ इंडिया यांना भेट दिली. प्रत्येक संस्थेमध्ये संबंधित अधिकाऱ्यांनी विद्यार्थ्यांना सविस्तर मार्गदर्शन करून कार्यपद्धती, घटनात्मक भूमिका आणि न्यायव्यवस्थेतील महत्त्व स्पष्ट केले.
या भेटीचा मुख्य उद्देश विद्यार्थ्यांना घटनात्मक संस्था, न्यायव्यवस्था आणि कायदे व्यवसायाचे प्रत्यक्ष ज्ञान मिळवून देणे, तसेच त्यांच्या शैक्षणिक अभ्यासाला व्यवहार्य दिशा देणे हा होता. या निमित्ताने विद्यार्थ्यांनी सर्वोच्च न्यायालयातील वकिलांशी तसेच विविध अधिकाऱ्यांशी संवाद साधत न्यायप्रक्रिया, वकिली व्यवसायातील संधी आणि आव्हाने याबाबत महत्त्वपूर्ण माहिती मिळवली.
महाविद्यालयाचे प्राचार्य कैलाश पौळ यांच्या पुढाकारातून हा अभ्यास दौरा आयोजित करण्यात आला. या उपक्रमाला प्रा. लेवी मॉर्निंगस्टार, प्रा. अनुप पाठक, तसेच धनंजय गुट्टे, रोहिणी देशपांडे आणि सागर गायकवाड यांचे विशेष सहकार्य लाभले. या संपूर्ण दौऱ्याचे आयोजन संस्थेचे सचिव संतोष खांडगे यांच्या मार्गदर्शनाखाली करण्यात आले.
तसेच “आजच्या स्पर्धात्मक आणि गतिमान युगात केवळ पुस्तकी ज्ञान पुरेसे नसून प्रत्यक्ष अनुभवातून मिळणारे शिक्षण विद्यार्थ्यांना अधिक सक्षम बनवते. संसद, राष्ट्रपती भवन, सर्वोच्च न्यायालय आणि बार कौन्सिल ऑफ इंडिया यांसारख्या देशाच्या सर्वोच्च संस्थांना दिलेल्या भेटीमुळे विद्यार्थ्यांना भारतीय राज्यघटना, न्यायव्यवस्था आणि कायदे व्यवसाय यांचे वास्तव आकलन झाले आहे. अशा उपक्रमांमुळे विद्यार्थ्यांमध्ये नेतृत्वगुण, व्यावसायिक दृष्टीकोन आणि सामाजिक बांधिलकी विकसित होते. संस्थेच्या वतीने भविष्यातही विद्यार्थ्यांच्या सर्वांगीण विकासासाठी अशा उपक्रमांचे सातत्याने आयोजन करण्यात येईल असे त्यांनी सांगितले.”
संस्थेचे अध्यक्ष संजय (बाळा) भेगडे, उपाध्यक्ष नंदकुमार शेलार, सचिव संतोष खांडगे , खजिनदार राजेश म्हस्के व सह सचिव विनायक अभ्यंकर या सर्व सदस्यांनी या उपक्रमासाठी शुभेच्छा दिल्या.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– कामशेत पोलिसांची कारवाई ! एमडी (मेफेड्रोन) तस्करी करणारे २ आरोपी जेरबंद, २५ लाख २० हजारांचा मुद्देमाल जप्त
– संतापजनक घटना ! पोटच्या मुलीवर अत्याचार करणाऱ्या नराधम पित्यावर लोणावळ्यात गुन्हा दाखल
– देहूरोड आयुध निर्माणी फॅक्टरी परिसरात बिबट्याचा वावर… नागरिकांना सतर्कतेचे आवाहन
– राजीनाम्यांची खात्री न करता बरखास्तीचे आदेश… मावळ कृषी उत्पन्न बाजार समितीवरील प्रशासक नियुक्तीला स्थगिती
