Dainik Maval News : नात्याला काळीमा फासणारी एक अत्यंत संतापजनक घटना मावळ तालुक्यातील पवना डॅम परिसरात उघडकीस आली आहे. पोटच्या अल्पवयीन मुलीवर वारंवार लैंगिक अत्याचार करणाऱ्या ४२ वर्षीय पित्याविरुद्ध लोणावळा ग्रामीण पोलीस ठाण्यात पोक्सो (POCSO) अंतर्गत गुन्हा दाखल करण्यात आला आहे.
लोणावळा ग्रामीण पोलिसांकडून मिळालेल्या माहितीनुसार, ऑगस्ट २०२४ मध्ये ही घटना घडली. आरोपीत व्यक्ती हा सध्या मावळमधील पवना डॅमजवळील वास्तव्यास आहे. फिर्यादी पीडित मुलगी अल्पवयीन असताना आरोपीने तिच्या हतबलतेचा फायदा घेत तिच्यावर अत्याचार केला. ही घटना एकदा नव्हे तर तीन ते चार वेळा घडली.
नराधम पित्याने पीडितेवर अत्याचार केल्यानंतर ही बाब कोणाला सांगितली तर तुला जिवे मारून टाकीन, अशी धमकी देखील दिली होती. पित्याच्या या दहशतीमुळे पीडित मुलगी प्रचंड घाबरली होती. भीतीपोटी ती आजवर गप्प राहिली. काही दिवसांपूर्वी पीडित मुलगी छत्रपती संभाजीनगर येथे आपल्या नातलगाकडे राहण्यास गेली.
तिथे गेल्यानंतर शारीरिक आणि मानसिक छळातून मुक्त होण्यासाठी तिने अखेर धाडस करून पोलिसांत तक्रार देण्याचे ठरवले. ही तक्रार सुरुवातीला छत्रपती संभाजीनगर शहर आयुक्तालयात देण्यात आली होती, जिथून ती शून्य (Zero FIR) क्रमांकाने लोणावळा ग्रामीण पोलीस ठाण्याकडे वर्ग करण्यात आली.
लोणावळा ग्रामीण पोलिसांनी याप्रकरणी आरोपी पित्यावर भारतीय न्याय संहिता (BNS) कलम ६४(२)(f), ६४(२)(m) आणि बालकांचे लैंगिक अपराधांपासून संरक्षण अधिनियम (POCSO) २०१२ च्या कलम ४, ५ आणि ६ अन्वये गुन्हा दाखल केला आहे.
लोणावळा ग्रामीणचे पोलीस निरीक्षक दिनेश तायडे यांच्या मार्गदर्शनाखाली महिला सहायक पोलीस निरीक्षक विजया म्हेत्रे या घटनेचा तपास करत आहेत. नसरापूर येथील घटना ताजी असताना मावळातील ही घटना समोर आल्याने, या घटनेमुळे संपूर्ण मावळ परिसरात खळबळ उडाली असून नराधम पित्यावर कठोर कारवाई करण्याची मागणी होत आहे.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– मुंबई-पुणे द्रुतगती मार्गावरील मिसिंग लिंकचे थाटात लोकार्पण ! “हा मिसिंग लिंक नव्हे तर कनेक्टिंग लिंक” – मुख्यमंत्री देवेंद्र फडणवीस
– बारावी बोर्ड परीक्षेचा निकाल जाहीर ! राज्याचा एकूण निकाल ८९.७९ टक्के, यंदाही मुलींचीच बाजी – पाहा सविस्तर निकाल
– शेतकऱ्यांनो… २० मे पूर्वी आपला फार्मर आयडी काढून घ्या, अन्यथा कृषी योजनांचा लाभ मिळणार नाही
– लोणावळा शहरातील पार्किंगची समस्या सुटणार, रेल्वे प्रशासन वाहनतळ विकसित करणार ; खासदार बारणे यांची माहिती
