Dainik Maval News : राज्याचे माजी उपमुख्यमंत्री स्व. अजितदादा पवार यांचे 28 जानेवारी रोजी दुःखद निधन झाले. परंतु त्यांच्या निधनातून त्यांचे कार्यकर्ते, सहकारी अद्याप सावरले नाहीत. अजितदादांचा लाडका आमदार अशी ओळख असलेले आमदार सुनील शेळके यांच्याही मनात स्व. अजितदादांच्या अकाली निधनाचे दुःख अद्याप कायम आहे. त्यामुळे आमदार शेळके यांनी यंदा त्यांचा वाढदिवस साजरा न करण्याचा निर्णय घेतला असून याबाबत कार्यकर्त्यांना आवाहन केले आहे.
आमदार सुनील शेळके यांचा २० ऑक्टोबर रोजी वाढदिवस असतो. यंदा, मंगळवार रोजी (दि. २०) आमदार सुनील शेळके यांचा वाढदिवस असून, यानिमित्त कोणताही उत्सव किंवा सोहळा आयोजित केला जाणार नसल्याचे त्यांनी स्पष्ट केले आहे. या निर्णयातून स्व. अजितदादांशी आमदार सुनील शेळके यांचे असलेले भावनिक नाते आणि त्यांच्याविषयीचा आदर व्यक्त होत आहे.
“राज्याचे लाडके नेते, आमचे प्रेरणास्थान माजी उपमुख्यमंत्री स्व. अजितदादा पवार यांच्या दुःखद निधनामुळे झालेली हानी माझ्यासाठी अत्यंत वैयक्तिक आणि अपरिहार्य दुःख आहे. या दुःखातून मन अजूनही सावरलेले नाही. या पार्श्वभूमीवर, यावर्षी 20 ऑक्टोबर 2026 रोजी होणारा माझा वाढदिवस कोणत्याही स्वरूपात साजरा न करण्याचा निर्णय घेतला आहे. आपल्या शुभेच्छा स्वीकारण्यासाठी प्रत्यक्ष भेटीसाठी उपस्थित राहता येणार नाही, मात्र, आपले प्रेम, आशीर्वाद आणि सदिच्छा माझ्यावर असेच कायम राहूद्या.. आपला :- आमदार सुनिल शंकरराव शेळके” असा संदेश आमदार सुनील शेळके यांनी कार्यकर्त्यांना दिला आहे.
( दैनिक मावळचा व्हॉट्सअ‍ॅप चॅनेल जॉइन करण्यासाठी इथे क्लिक करा )
अधिक वाचा
– आई व मुलीच्या बचावाचा थरार !! टायगर पॉइंट येथे दरीत पडलेल्या माय लेकींचे प्राण वाचविण्यात बचाव पथकाला यश
– लोणावळ्यात कुणे नामा येथे भीषण अपघात; १६ वर्षीय दुचाकीस्वार मुलगा जागीच ठार, संतप्त आदिवासींचा ठिय्या मारीत ‘रास्ता रोको’
– जिल्हाधिकारी कार्यालयात आमदार सुनील शेळके, त्यांचे सहकारी आणि आरटीआय कार्यकर्त्यात नक्की काय घडलं? आरोप-प्रत्यारोप अन् पोलिसांत तक्रारी
