Dainik Maval News : पवनाधरण परिसरात गेल्या काही वर्षापासून धरण व पवनानदी पात्रांच्या संपदित जागेवर धनदांडग्यानी मोठ्या प्रमाणावर अतिक्रमणे करुन बंगले, फार्महाऊस, हॉटेल व्यवसाय थाटले आहे. यावर अधिकारी कानाडोळा व राजकीय दबावाला बळी पडून मोठ्या प्रमाणावर बांधकामे झाली होती.
- पवनानदी पात्रालगत असलेले कडधे गावाच्या हद्दीतील बेकायदेशीर बांधकाम पाटबंधारे विभागाने पाडले आहे. पवनानदी परिसरातील बेकायदेशीर बांधकामे होऊन याभागातील पर्यावरणाचा ऱ्हास थांबवा व निसर्गाने नटलेला परिसर कायम रहावा या हेतूने अनधिकृत असलेली बांधकामे पाडण्यात येत आहे.
पवना पाटबंधारे विभागाच्या जागेवर असलेल्या अनेक बेकायदेशीर पवनाधरण व पवनानदी परिसरातील 120 बांधकामांना गेल्या काही महिन्यापासून नोटिसा देण्यात आल्या होत्या. पंरतु अतिक्रमण न काढल्याने पाटबंधारे विभागाच्या वतीने कारवाई सुरु करण्यात आली आहे. यामध्ये कडधे गावाच्या हद्दीतील एक बांधकाम पाडले आहे.
कारवाई मध्ये पाटबंधारे विभागाचे उपविभागीय अधिकारी सचिन गाडे,शाखाभियंता रुपेश गावित,रजनीश बारिया यांच्या सह मोठा पोलीस फाटा तैनात करण्यात आला होता.
पवनानदी पात्राच्या जागेवर सदर व्यक्तीने बेकायदेशीर बांधकाम केले होते. सदर व्यक्तीला तीन नोटीसा देऊन अतिक्रमण हटवले नसल्याने कारवाई केली आहे. पवनाधरण व पवनानदी पात्राच्या जागेवर कोणी अतिक्रमण केल्यास त्यावर कारवाई करण्यात येणार आहे. – सचिन गाडे, उपविभागीय अधिकारी पाटबंधारे विभाग
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– महत्वाची बातमी : पुणे – लोणावळा रेल्वे मार्गावर 3 दिवसांचा ब्लॉक, लोकलसह एक्स्प्रेस गाड्यांच्या वेळापत्रकात बदल । mega block on central railway
– आयपीएस सत्यसाई कार्तिक यांच्या बदलीच्या एक महिन्यानंतरही उपविभागीय पोलीस अधिकाऱ्याची खूर्ची रिकामीच । Lonavala News
– पर्यटनासाठी येताय? मग 9850112400 हा नंबर सेव्ह करून ठेवा ; लोणावळा पोलिसांकडून पर्यटकांसाठी हेल्पलाइन नंबर सुरू । Lonavala Tourist Helpline Number
