यंदा गुरुवारी, दिनांक 29 जून रोजी देवशयनी आषाढी एकादशी आहे, आणि त्याच दिवशी बकरी ईद देखील आहे. हिंदू धर्मीय आणि मुस्लीम धर्मीय या दोन्ही धर्मियांसाठी महत्वाचे असलेले हे सण एकाच दिवशी आलेत. अशात बकरी ईद साठी कुर्बानी न देण्याचा मोठा निर्णय मावळ तालुक्यात वडगाव शहरातील मुस्लीम समाजाने घेतला आहे.
दैनिक मावळचा व्हॉट्सअॅप ग्रुप जॉइन करण्यासाठी इथे क्लिक करा
आषाढी एकादशीला कुर्बानी देणार नाही, अशा स्वरूपाचा निर्णय वडगाव येथील मुस्लिम बांधवांच्या बैठकीत घेण्यात आला. आषाढी एकादशी व बकरी ईद एकाच दिवशी आल्याने सामाजिक सलोखा व सर्वधर्म समभाव जपत, मुस्लिम बांधवांनी हा निर्णय घेतला. वडगाव येथील मुस्लिम बांधवांच्या बैठकीत घेण्यात आलेल्या या निर्णयाचे सर्वस्तरांतून स्वागत होत असून त्यांच्या निर्णयाबद्दल कौतुक केले जात आहे. ( bakri eid and ashadhi ekadashi on same day not to offer Qurbani decision of muslim community in vadgaon maval )
वडगाव येथील जामा मस्जिदमध्ये झालेल्या बैठकीस मौलाना मुजीब शेख, रशीद शेख, इन्नुस मोमीन, इकबाल मोमीन, लतिफ नादफ, सलिम तांबोळी, मोसीम शेख, आफताब सय्यद, मजहर सय्यद, इसरार शेख, तहिर मोमीन, रियाज शेख, अली कोरबा, वसिम पिंजारी, शाहरूख शेख, अरबाज तांबोळी, रहिल तांबोळी, शेबाज मोमीन आदी मुस्लिम बांधव उपस्थित होते. या निर्णयाचे वडगावकर नागरिकांना स्वागत केले.
अधिक वाचा –
– श्रीक्षेत्र भंडारा डोंगर इथे मावळ विधानसभेतील भाजप पदाधिकारी-कार्यकर्त्यांची टिफिन बैठक संपन्न
– मावळ तालुक्यातील दिव्यांगांना विविध साहित्याचे वाटप; गुणवंत विद्यार्थ्यांचाही सन्मान