तळेगाव दाभाडे जवळील माळवाडी इथे कंटेनरला धडकल्याने 62 वर्षीय दुचाकीचालकाचा मृत्यू झाला आहे. रविवार (दिनांक 11 जून) रोजी माळवाडी (ता. मावळ) गावच्या हद्दीत ही घटना घडली. गुरुवारी (दिनांक 15 जून) याबाबत तळेगाव एमआयडीसी पोलीस ठाण्यात गुन्हा दाखल करण्यात आला.
दैनिक मावळचा व्हॉट्सअॅप ग्रुप जॉइन करण्यासाठी इथे क्लिक करा
सुनिल शिवराम चव्हाण (वय 62, रा. सिद्धार्थनगर बुद्धविहार जवळ लोणावळा, ता. मावळ) असे मृत्यू झालेल्या नागरिकाचे नाव आहे. याप्रकरणी कौस्तुभ सुनिल चव्हाण (वय 25, रा. लोणावळा) यांनी तळेगाव एमआयडीसी पोलीस ठाण्यात फिर्याद दिली. त्यानुसार कंटेनर चालकावर गुन्हा दाखल करण्यात आला आहे.
प्राप्त माहितीनुसार, अज्ञात आरोपी आपल्या ताब्यातील कंटेनर चाकणकडून तळेगाव दाभाडे दिशेने भरधाव वेगात घेऊन जात असताना अचानक ब्रेक मारला. त्यामुळे फिर्यादीच्या वडिलांची दुचाकी (MH 14 AR 4161) कंटेनरच्या पाठीमागील बाजूस धडकली. या अपघातात फिर्यादीचे वडील सुनिल चव्हाण यांच्या डोक्याला गंभीर जखम होऊन त्यांचा मृत्यू झाला. त्यामुळे त्यांच्या मृत्यूस कारणीभूत ठरलेल्या कंटेनर चालकावर गुन्हा दाखल करण्यात आला आहे. ( bike rider dies in collision with container at malwadi talegaon )
अधिक वाचा –
– ‘एसआरटी’ म्हणजे नक्की काय रे भाऊ? भात लागवडीची ही पद्धत का होतेय शेतकऱ्यांच्या पसंतीची, जाणून घ्या । दैनिक मावळ विशेष
– आमदार शेळकेंकडून आंदर मावळातील विकासकामांची पाहणी; कामे लवकर पूर्ण करुन नागरिकांना दिलासा देण्याच्या सुचना