Dainik Maval News : विरुद्ध दिशेने येऊन एका दुचाकीला धडक दिली, यानंतर अपघातग्रस्त दुचाकी चालकाने नुकसान भरपाई मागितल्यावर त्याला साथीदारांसह मारहाण केली, हा गंभीर प्रकार सोमाटणे फाटा (ता. मावळ) येथे रविवारी (दि.6) घडला.
याप्रकरणी शुभम राजू नलबीत (वय 19, रा. देहूरोड) याने तळेगाव दाभाडे पोलीस ठाण्यात फिर्याद दिली आहे. त्यानुसार दुचाकी (एमएच 14 ईजे 1496) चालक आणि त्याच्या दोन साथीदारांच्या विरोधात गुन्हा दाखल करण्यात आला आहे.
- पोलिसांनी दिलेल्या माहितीनुसार, फिर्यादी शुभम आणि त्यांचा मित्र तौकीर उस्मान खान हे दुचाकीवरून तळेगाव येथून देहूरोड येथे जात होते. सोमाटणे फाटा येथे आरोपी विरुद्ध दिशेने दुचाकीवरून आले. आरोपींनी त्यांच्या दुचाकीने शुभम यांच्या दुचाकीला धडक दिली.
त्यामध्ये शुभम यांच्या दुचाकीचे नुकसान झाल्याने त्यांनी आरोपींकडे नुकसान भरपाईची मागणी केली. त्या कारणावरून आरोपी दुचाकी चालक व त्याच्या दोन साथीदारांनी मिळून शुभम व त्याच्या मित्राला बेदम मारहाण केली. त्यानंतर आरोपी पळून गेले. तळेगाव दाभाडे पोलीस तपास करीत आहेत.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– महत्वाची बातमी : पुणे – लोणावळा रेल्वे मार्गावर 3 दिवसांचा ब्लॉक, लोकलसह एक्स्प्रेस गाड्यांच्या वेळापत्रकात बदल । mega block on central railway
– आयपीएस सत्यसाई कार्तिक यांच्या बदलीच्या एक महिन्यानंतरही उपविभागीय पोलीस अधिकाऱ्याची खूर्ची रिकामीच । Lonavala News
– पर्यटनासाठी येताय? मग 9850112400 हा नंबर सेव्ह करून ठेवा ; लोणावळा पोलिसांकडून पर्यटकांसाठी हेल्पलाइन नंबर सुरू । Lonavala Tourist Helpline Number
