मावळ लोकसभा मतदारसंघाचे महाविकास आघाडीचे अधिकृत उमेदवार संजोग वाघेरे पाटील यांच्या प्रचारासाठी महाविकास आघाडीचे पदाधिकारी तसेच कार्यकर्ते आता सरसावले आहेत. मविआकडून मावळ तालुक्यातील शहरे आणि गावागावात शिवसेना उद्धव बाळासाहेब ठाकरे पक्षाचे चिन्ह अर्थात उमेदवार संजोग वाघेरे यांचे ‘मशाल’ हे निवडणूक चिन्ह पोहचवण्याचे काम सुरू आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
वडगाव मावळ शहरातील ग्रामदैवत पोटोबा महाराज मंदिर येथे प्रचाराचा नारळ फोडून मविआच्या वतीने प्रचाराचा शुभारंभ करण्यात आला. काही दिवसांपूर्वीच वडगाव मावळ शहरातील राष्ट्रवादीचे पदाधिकारी अतुल राऊत यांची प्रचार प्रमुख म्हणून निवड करण्यात आली होती. त्यांच्या उपस्थितीत वडगाव शहरात प्रचाराचा नारळ फोडण्यात आला. ( Campaigning of Maval Lok Sabha Candidate Sanjog Waghere Patil in Vadgaon Maval by MahaVikas Aghadi Workers )
महाविकासआघाडीच्या पदाधिकाऱ्यांनी वडगाव शहरातील बाजारपेठ आणि प्रत्येक विभागात जाऊन घरोघरी संजोग वाघेरे पाटील यांचे प्रचार प्रसिद्धीपत्रक वाटले. तसेच मावळच्या विकासासाठी मशाल चिन्ह लक्षात ठेवण्याचे आवाहन केले. यावेळी शिवसेना उ.बा.ठा, राष्ट्रवादी काँग्रेस शरदचंद्र पवार पक्ष, काँग्रेस (आय) आणि मविआतील अन्य सहयोगी पक्षाचे पधाधिकारी, कार्यकर्ते मोठ्या संख्येने उपस्थित होते.
प्रचार प्रमुख अतुल राऊत यांसह राष्ट्रवादी युवकअध्यक्ष विशाल वहिले, आबा चव्हाण, प्रतिमा हिरे, हनुमंत म्हाळस्कर, राहुल नखाते, आफताब सय्यद, अनिल ओव्हाळ, संतोष ढोरे, बाळासाहेब शिंदे, मनोहर फाटक, लक्ष्मण कुरकवाड, पंकज भामरे, संतोष शिंदे, मेरलीन मसी, राहील तांबोळी आदींनी प्रचारात सहभाग घेतला.
अधिक वाचा –
– मावळ लोकसभा : श्रीरंग बारणे यांच्या हॅटट्रीकसाठी मनसे मैदानात ! Maval Lok Sabha
– अमली पदार्थ विक्रीसाठी आलेल्या दोघांना तळेगाव-उर्से रस्त्यावर अटक; 2 लाख 73 हजारांचा मुद्देमाल जप्त । Maval Crime
– लोणावळा जवळील शिलाटणे फाटा येथे भीषण अपघात, दुचाकीस्वार जागीच ठार । Lonavala Accident
