आमदार सुनील शेळके यांच्या माध्यमातून शिळींब येथे आदिम सेवा अभियान अंतर्गत ९५ आदिवासी नागरिकांना जातीचे दाखले वाटप

Dainik Maval News : आदिवासी समाजातील नागरिकांना विविध शासकीय योजनांचा लाभ घेता यावा, तसेच त्यांच्या मुलांना शिक्षणासाठी विविध दाखले मिळविणे सुलभ व्हावे, याकरिता राबविण्यात येत असलेल्या आदिम सेवा अभियान अंतर्गत पवन मावळ विभागातील शिळींब येथे आज (दि. १७) ९५ आदिवासी नागरिकांना मोफत आदिवासी दाखले वाटप करण्यात आले. यामध्ये मौजे शिळींब गाव, चावसर आणि मोरवे येथील आदिवासी समाजातील नागरिकांचा समावेश होता.

तसेच याप्रसंगी, मावळ तालुका राष्ट्रवादी काँग्रेस पक्षाचे मा. उपाध्यक्ष संतोषभाऊ कडू यांच्या माध्यमातून नवनिर्वाचित लोकप्रतिनिधी यांचा भव्य नागरी सत्कार समारंभ आयोजित करण्यात आला होता. यामध्ये नवनिर्वाचित जिल्हा परिषद सदस्य संतोष राऊत, मावळ पंचायत समितीच्या नवनिर्वाचित सभापती सुनिता मनोहर येवले, काले पं.स. गणाच्या सदस्या शैलाताई कालेकर यांचा नागरी सत्कार करण्यात आला. तसेच मान्यवरांच्या हस्ते आदिवासी बांधवांना जातीचे दाखले वितरित करण्यात आले.

याप्रसंगी मा. सरपंच मनोहर उर्फ मनोजभाऊ येवले, मा. सभापती संभाजी शिंदे (मावळ कृ.उ.बा.स.), मा. सभापती नंदू धनवे (मावळ कृ.उ.बा.स.), अंजली जांभूळकर (संचालिका, मावळ कृ.उ.बा.स.), सविताताई संतोष कडू, सिद्धांत कडू (सरपंच, ग्रु.ग्रा. शिळींब), एस.बी. तिडके (ग्रामसेवक, ग्रु.ग्रा. शिळींब), शहाजी कडू (संचालक. मा.ता.ख.वि.सं.), प्रविण चोरघे (सदस्य, ग्रु.ग्रा. शिळींब), अजित चौधरी, रुपेश सोनवणे, लालाभाऊ गोणते, मंगेश कालेकर, योगेश तुपे उपस्थित होते.

तसेच, गणपत पवार, लक्ष्मण केदारी, दत्ता केदारी, आत्माराम लायगुडे, गोरख जांभूळकर, जालिंदर ढमाले, आत्माराम शिंदे, नामदेव शिंदे, मधुकर कडू, मधुकर केदारी, भगवान दरेकर, मल्हारी आखाडे, गोरख धनवे, अक्षय धनवे, कुंडलिक राऊत, काळू उंबरकर, मंगेश शिंदे, शुभम दरेकर, गोरख गायकवाड, दिलीप शिंदे, लहू धनवे हेही मान्यवर उपस्थित होते.

“आमदार सुनील शेळके यांच्या माध्यमातून सुरू असलेल्या आदिम सेवा अभियानाद्वारे मावळमधील हजारो आदिवासी बांधवांना आजवर जातीचे दाखले मिळाले, असून त्याद्वारे त्यांना विविध शासकीय योजनांचा लाभ घेता येत आहे.” अशी प्रतिक्रिया संतोष राऊत यांनी दिली. तसेच, नागरी सत्काराला उत्तर देताना, “या भागाच्या विकासासाठी जे जे शक्य आहे ते सर्वकाही करणार असून विविध योजनांची अंमलबजावणी, विकासकामांची पूर्तता करणार असल्याचेही” संतोष राऊत यांनी सांगितले.

सभापती सुनिता मनोहर येवले यांनी नागरी सत्काराबद्दल उपस्थितांचे आभार मानले. तसेच, “मावळ पंचायत समितीच्या माध्यमातून आगामी काळात शासनाच्या योजना आणि निधीच्या माध्यमातून या भागाच्या विकासात योगदान देणार” असल्याचा विश्वास दिला. शैलाताई कालेकर यांनी, “मतदार बंधूभगिनी यांनी मतदानातून दाखविलेला विश्वास आणि सत्कारातून दाखविलेले प्रेम यातून उतराई होण्यासाठी या भागाच्या विकासात योगदान देणार, विविध योजनांची अंमलबजावणी करणार” असे सांगितले.

या कार्यक्रमाचे आयोजक असलेले संतोषभाऊ कडू यांनी आमदार सुनील शेळके यांच्या माध्यमातून आदिम सेवा अभियान राबविण्यात आल्याचे सांगितले. तसेच, नवनिर्वाचित लोकप्रतिनिधी यांच्याकडून या भागाच्या विकासकामांसाठी विशेष निधी देण्याची मागणी केली. पत्रकार विशाल कुंभार यांनी कार्यक्रमाचे सुत्रसंचालन केले. याप्रसंगी आदिवासी बांधव, शिळींब ग्रामस्थ, महिला भगिनी मोठ्या संख्येने उपस्थित होते.

( दैनिक मावळचा व्हॉट्सअ‍ॅप चॅनेल जॉइन करण्यासाठी इथे क्लिक करा )
अधिक वाचा :
– गुडन्यूज ! प्रधानमंत्री किसान सन्मान निधीचा २२ वा हप्ता वितरित, महाराष्ट्रातील ९१ लाख शेतकऱ्यांना १ हजार ८३७ कोटींचे वितरण
– राज्य शासनाने अर्थसंकल्पात केलेल्या भरीव तरतुदीनंतर पुणे-लोणावळा लोहमार्गाच्या तिसऱ्या आणि चौथ्या ट्रॅकला रेल्वे मंत्रालयाने गती देण्याची मागणी
– मावळात काळ्या काचा अन् फॅन्सी नंबर प्लेट असलेल्या वाहनांची संख्या वाढली ; एलईडी दिव्यांमुळे होताहेत अपघात