तीन वर्षाच्या चिमुरड्यावर अनैसर्गिक अत्याचार करून खून ; बिहारला पळून जाण्याच्या तयारीत असलेला अल्पवयीन आरोपी ताब्यात

Dainik Maval News : भोर तालुक्यातील नसरापूर येथील बालिकेवरील अत्याचार आणि हत्या प्रकरणाने संपूर्ण राज्य हादरले असताना आता चाकणच्या औद्योगिक परिसरातून एक धक्कादायक प्रकार समोर आला आहे. येथे तीन वर्षाच्या चिमुकल्यावर अनैसर्गिक अत्याचार करून त्याची निर्घृण हत्या करण्यात आल्याचा गंभीर प्रकार उघडकीस आला आहे. यामुळे आता संपूर्ण राज्यात संतापाची लाट उसळली आहे.

मिळालेल्या माहितीनुसार, आरोपी खालुंब्रे गावच्या हद्दीत भाड्याच्या खोलीत राहत होता. शेजारी घराबाहेर खेळत असलेल्या तीन वर्षांच्या मुलाला त्याने आपल्या खोलीत नेले. तेथे त्याच्यावर अनैसर्गिक लैंगिक अत्याचार करून त्याचा गळा कापत खून केला. एवढ्यावरच न थांबता, पुरावे लपवण्यासाठी त्याने मृतदेह बॅगेत भरून ठेवला आणि घटनास्थळावरून पसार झाला. घटनेनंतर परिसरात एकच खळबळ उडाली.

मुलगा बेपत्ता झाल्याची माहिती मिळताच कुटुंबीयांनी शोध सुरू केला. पोलिसांनाही तातडीने माहिती देण्यात आली. महाळुंगे दक्षिण पोलीस ठाण्याच्या पथकाने घटनास्थळी धाव घेत तपासाची चक्रे फिरवली. परिसरातील सीसीटीव्ही फुटेजची पाहणी करत आरोपीचा माग काढण्यात आला. अखेर अवघ्या १२ तासांत पोलिसांनी आरोपीला पुणे रेल्वे स्थानक परिसरातून ताब्यात घेतले. आरोपी आपल्या मूळ गावी बिहारला पळून जाण्याच्या तयारीत होता. अटक केल्यानंतर आरोपीने गुन्ह्याची कबुली दिली.

पीडित चिमुकला हा मध्यप्रदेशातून कामानिमित्त येथे आलेल्या दाम्पत्याचा मुलगा होता. या प्रकरणी अल्पवयीन आरोपीविरुद्ध विविध कलमांनुसार, तसेच ‘पोस्को’ आणि खुनाचा गुन्हा दाखल करण्यात आला आहे, अशी माहिती वरिष्ठ पोलीस निरीक्षक विजय ढमाळ यांनी दिली. या अमानुष घटनेमुळे नागरिकांमध्ये भीती आणि संतापाचे वातावरण निर्माण झाले असून, दोषींना कठोर शिक्षा व्हावी, अशी मागणी जोर धरत आहे.

( दैनिक मावळचा व्हॉट्सअ‍ॅप चॅनेल जॉइन करण्यासाठी इथे क्लिक करा )
अधिक वाचा :
– मुंबई-पुणे द्रुतगती मार्गावरील मिसिंग लिंकचे थाटात लोकार्पण ! “हा मिसिंग लिंक नव्हे तर कनेक्टिंग लिंक” – मुख्यमंत्री देवेंद्र फडणवीस
– बारावी बोर्ड परीक्षेचा निकाल जाहीर ! राज्याचा एकूण निकाल ८९.७९ टक्के, यंदाही मुलींचीच बाजी – पाहा सविस्तर निकाल
– शेतकऱ्यांनो… २० मे पूर्वी आपला फार्मर आयडी काढून घ्या, अन्यथा कृषी योजनांचा लाभ मिळणार नाही
– लोणावळा शहरातील पार्किंगची समस्या सुटणार, रेल्वे प्रशासन वाहनतळ विकसित करणार ; खासदार बारणे यांची माहिती