Dainik Maval News : मुख्यमंत्री माझी लाडकी बहीण योजना याची प्रभावीपणे अंमलबजावणी होण्यासाठी प्रशासकीय समिती स्थापन करण्यात आली आहे. मावळ विधानसभा मतदारसंघ क्षेत्र स्तरीय समितीच्या अध्यक्षपदी आमदार सुनिल शेळके यांची नियुक्ती करण्यात आली आहे. जिल्हाधिकारी सुहास दिवसे यांनी यासंदर्भातील आदेश जारी केला आहे. उपमुख्यमंत्री तथा पुणे जिल्ह्याचे पालकमंत्री अजित पवार यांच्या शिफारशीनुसार हे नियुक्ती करण्यात आली आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अशी असेल समिती –
आमदार सुनिल शेळके समितीचे अध्यक्ष असतील. या समितीत प्रत्येक विधानसभा क्षेत्र स्तरीय समितीमध्ये दोन अशासकीय सदस्य असणार आहेत. पालकमंत्र्यांच्या शिफारशीनुसार लवकरच त्यांची नियुक्ती करण्यात येणार आहे. मावळ तालुक्याचे गटविकास अधिकारी हे या समितीचे पदसिद्ध सदस्य सचिव असतील. याशिवाय तहसीलदार, नगरपालिकांचे मुख्याधिकारी, समाजकल्याण विभागाचे सहाय्यक आयुक्त किंवा सहाय्यक अधिकारी, एकात्मिक आदिवासी विकास प्रकल्पाचे सहायक प्रकल्प अधिकारी, बाल विकास प्रकल्प अधिकारी, संरक्षण अधिकारी (कनिष्ठ), बाल विकास प्रकल्प मान्यतेने एक अंगणवाडी पर्यवेक्षिका यांचा या समितीमध्ये समावेश आहे. राज्य शासनाकडून वेळोवेळी प्राप्त होणाऱ्या आदेशानुसार या समितीने कामकाज करावे, असे जिल्हाधिकारी सुहास दिवसे यांनी आदेशात म्हटले आहे. ( CM Majhi Ladki Bahin Yojana MLA Sunil Shelke Appointed Chairman of Maval Vidhan Sabha Committee )
“मुख्यमंत्री माझी लाडकी बहिण योजनेच्या अंमलबजावणीचे काम मावळ तालुक्यात प्रभावीपणे सुरु आहे. अधिकचे नोंदणी केंद्र, योग्य मार्गदर्शन व सहकार्य अशा माध्यमातून जास्तीत जास्त माता-भगिनींपर्यंत योजनेचा लाभ पोहोचवण्यासाठी योग्य नियोजन करण्यात येईल.” – आमदार सुनिल शेळके
अधिक वाचा –
– मावळ भाजपाचं नेमकं काय सुरूये ? एकाचवेळी ‘विजयी संकल्प’ आणि ‘त्याग’ समर्पणाची भुमिका, कार्यकर्ते देखील ‘कन्फ्यूज’
– आमदार सुनिल शेळके यांनी घेतली ‘तालुकास्तरीय आढावा बैठक’, ग्रामस्थांनी वाचला तक्रारींचा पाढा
– दावे निकाली काढण्यात पुणे जिल्हा राज्यात प्रथम ; राष्ट्रीय लोक अदालतीत १ लाखाहून अधिक दावे निकाली । Pune News
